Мар кулэ, семьяын шудо луон понна?

МАР ВЕРА БИБЛИЯ

«Шудоесь Инмарлэсь кылзэ кылзӥсьёс, сое быдэсъясьёс» (Лука 11:28, Библия удмурт кылын).

МАР СО ТӤЛЕДЛЫ СЁТЫНЫ БЫГАТОЗ

Зэмос яратон (Ефесъёслы 5:28, 29).

Сюлмысь гажан (Ефесъёслы 5:33).

Астэ утемын шуыса шӧдон (Марк 10:6—9).

ЛУОЗ-А ОСКЫНЫ СОЛЫ, МАР ВЕРА БИБЛИЯ?

Луоз. Эскеромы кык мугъёсты:

• Инмар — семьяез Кылдытӥсь. Библиын верамын, котькуд семья Иегова Инмар бордысь «аслыз ним басьтэ» шуыса (Ефесъёслы 3:14, 15). Мукет сямен вераса, адямиос семьяен уло, малы ке шуоно озьы малпаз Инмар. Мар со возьматэ?

  Малпаське: тӥледлы кыӵе ке но сиён кельшиз ке, кинлэсь тӥ юалоды, кызьы сое пӧрано? Веранэз ӧвӧл, солэсь, кин сое пӧраз.

  Озьы ик, кызьы семьяын шудо луоно шуыса тодон понна, умойгес луоз вазиськыны Иеговалы — семьяез Кылдытӥсьлы (Улон-вылон 2:18—24).

• Инмар тӥ сярысь сюлмаське. Малы умой луоз Инмарлэн Кылысьтыз визь-кенеш утчаны? Библиын вераське: «Уго Со тӥ сярысь сюлмаське» (1 Пётр 5:6, 7). Иегова тӥледлы умойзэ гинэ сӥзе. Нош солэн визь-кенешъёсыз пайда ваё (Мадёнъёс 3:5, 6; Исаия 48:17, 18).