Мар со сыӵе Инмарлэн Эксэйлыкез?

МАР ВЕРА БИБЛИЯ

«Инмысь Инмар ноку но, пумтэм вапумъёсы куашкасьтэм эксэйлык ӝутоз» (Даниил 2:44, Библия удмурт кылын).

«Со луоз быдӟым, Вылысь Инмарлэн Пиез шуыса нимаськоз... Со эксэй луыса пукоз, Солэн Эксэйлыкезлэн пумыз уз луы» (Лука 1:32, 33).

МАР СО ТӤЛЕДЛЫ СЁТЫНЫ БЫГАТОЗ

• Шонерлыко кивалтэт, кудӥз улондэс умоятоз (Исаия 48:17, 18).

• Юн тазалык но шудбур вуоно выль дуннеын (Усьтӥськон 21:3, 4).

ЛУОЗ-А ОСКЫНЫ СОЛЫ, МАР ВЕРА БИБЛИЯ?

Луоз. Эскеромы кык мугъёсты:

• Иисус Христос возьматӥз, мар кароз Инмарлэн Эксэйлыкез адямиос понна. Иисус дышетскисьёссэ вӧсяськыны дышетӥз, Инмарлэн Эксэйлыкез мед лыктоз но Инмарлэн эрикез музъем вылын мед быдэсмоз шуыса (Матфей 6:9, 10). Иисус, Эксэйлыклэн вуоно Кивалтӥсез луыса, возьматӥз, кызьы быдэстэмын луоз та вӧсяськонысь курон.

  Музъем вылын улыкуз, Иисус сютэмъёсты сюдылӥз, висисьёсты бурмытъяз, кулэмъёсты но улӟытъяз! (Матфей 15:29—38; Иоанн 11:38—44). Озьы со азьло ик возьматӥз, макем умой улон возьма Инмарлэн Эксэйлыкезлэн кивалтэмез улсын улӥсьёсты (Усьтӥськон 11:15).

• Дуннеысь югдуръёс возьмато, Инмарлэн Эксэйлыкез матын шуыса. Иисус азьпалзэ ивортыса вераз, Эксэйлык музъем вылэ тупаса улон ваён азьын ик луозы ожъёс, сютэм улон но музъемзурканъёс (Матфей 24:3, 7).

  Ӵапак сое ик туннэ ми адӟиськомы. Соин ми оскыны быгатӥськомы, ӝоген Инмарлэн Эксэйлыкез быдэс дунне вылысь шуг-секытъёсыз быдтоз шуыса.