14-ТӤ УРОК

Валтӥсь малпанъёсты пусйы

Евр. 8:1

УЖПУМЕЗ Юртты кылзӥсьёсыдлы адӟыны, кызьы одӥг малпанысь мукет малпан потэ, но валамон возьматы, кызьы котькуд валтӥсь малпан речедлэн ужпуменыз но темаеныз герӟаськемын.

МАР КАРОНО СО ПОННА

Ужпум пукты. Нырысь малпаськы, кыӵе тынад ужпумед: мар ке но сярысь вераны, кылзӥсьтэ оскытыны яке мылкыдзэ ӝутыны мар ке карыны. Собере, ваньзэ сое лыдэ басьтыса, малпа, мар тон вералод. Чакла, котькудӥз-а валтӥсь малпан пуктэм ужпумдэ быдэстыны юрттоз.

Юа аслэсьтыд: «Мар юаны яке пумит вераны быгатозы кылзӥсьёс? Юанъёссылы валэктонъёс шедьтэмзы бере кыӵе эшшо соослэн юанъёссы кылдыны быгатозы на?» Собере, сое лыдэ басьтыса, радъя аслэсьтыд малпанъёстэ, кудъёссэ тон вералод. Со юрттоз кылзӥсьёсыдлы адӟыны, кызьы малпанъёс ог-огенызы герӟаськемын, но тынэсьтыд верамдэ валаны.
Речедлэсь темазэ пусйы. Быдэс речед ӵоже кылзӥсьёсыдлы тодазы вайыты темаез, кудзэ тон усьтӥськод. Со понна валтӥсь кылъёсты выльысь но выльысь вера яке синонимъёсты уже кут.
Валтӥсь малпанъёсты огшоры но валамон вера. Валтӥсь малпанъёс трос луыны кулэ ӧвӧл. Валтӥсь кароно со малпанъёсты гинэ, кудъёсыз темаен герӟаськемын но кудъёссэ тон умой валэктыны вуод. Котькуд малпанэз валамон валэкты, соос вискын вис кар но одӥг малпанысь мукет малпанэ дыртытэк выж.

Кылзӥсьёсыдлы капчи мед луоз шуыса валаны, кызьы малпанъёс ог-огенызы герӟаськемын, валтӥсь малпанъёсты речедлэн кутсконаз вераны быгатод яке пумаз, соос кылзӥсьёслэн йыразы мед кылёзы шуыса.