18-ТӤ УРОК

Тунсыко но пайдаё веран

1 Кор. 9:19—23

УЖПУМЕЗ Кылзӥсьёстэ малпаськыты, соос мед шӧдозы, мае ке кулэзэ тодӥзы шуыса.

Малпа, мае кылзӥсьёсыд тодо ини. Тодмо мае ке выльысь верам интые, юртты кылзӥсьёсыдлы тема шоры выль сямен учкыны.

Тодмо малпанъёс сярысь трос эн вера. Тросгес дырдэ висъя выль малпанъёсты эскеронлы.
Эскеры но малпаськы. Луэ ке, валтӥсь малпанъёссэ валэктон понна, вера алигес ортчем учыръёс сярысь, яке со сярысь, мае тросэз уг тодо на. Но умой малпаськы, тупалоз-а со веранэдлы.

Эскерон ортчытыкуд, аслэсьтыд йырдэ ужаты, таӵе юанъёс вылын малпаськыса: «Мар?», «Малы?», «Ку?», «Кытын?», «Кин?» но «Кызьы?». Верандэ тунсыкогес карон понна, та юанъёсты юа но соослы валэктонъёс сётъя.
Возьматы, кыӵе пайда вае верамед. Валэкты, кызьы Библиысь малпанъёс улонын юрттыны быгато. Вера со югдуръёс но учыръёс сярысь, кудъёсыз кылзӥсьёсыдлы тодмо.