Пылатӥськон — кулэ луись вамыш!

Иисус вераз, котькуд христиан мурт пылатӥськыны кулэ шуыса. (Лыдӟе Матфейлэсь 28:19, 20.) Нош мар со сыӵе пылатӥськон но кызьы солы дасяськоно?

1. Мар со сыӵе пылатӥськон?

«Пылатыны» кыл, вашкала грек кылысь берыктыса, «вуэ зымытыны» шуэмез возьматэ. Пылатӥськыкуз Иисус быдэсак Иордан шуре зымытэмын вал. Собере со вуысь потӥз (Марк 1:9, 10). Солэсь адӟем карыса, зэмос христианъёс пылатыкузы адямиез быдэсак вуэ зымыто.

2. Мае адями возьматэ пылатӥськеменыз?

Аслаз пылатӥськеменыз адями возьматэ, со аслэсьтыз улонзэ Иегова Инмарлы сӥзиз шуыса. Кызьы адями улонзэ Иеговалы сӥзе? Пылатӥськемезлэсь азьло адями Иеговалы вӧсяське но вера, солэн пырак дауръёс ӵоже солы ужамез-тыршемез потэ шуыса, но кылзэ сётэ, солы гинэ йыбыртъялоз шуыса. Озьы ик со вера, табере Инмарлэсь эриксэ быдэстон солэн улоназ нырысетӥ интыын луоз шуыса. Пылатӥськыкуз адями ужпум кутэ аслэсьтыз ачиз куштӥськыны но Иисус сьӧры мыныны, солэсь дышетскыны но солэсь адӟем карыны (Матфей 16:24). Сӥзиськыса но пылатӥськыса адями быгатэ Иеговалэн эшез но солэн ужась-тыршисез луыны.

3. Кызьы дасяськоно пылатӥськонлы?

Пылатӥськемлэсь азьло Иегова сярысь тодоно но солы осконо. (Лыдӟе Еврейёслы 11:6.) Иегова сярысь тросгес тодӥды ке, тӥляд осконды юнмалоз но тӥ сое юнгес яратоды. Соин ик тӥляд потоз, дыр, со сярысь мукетъёсызлы верамды но солэн куронъёсызъя улэмды (2 Тимофейлы 4:2; 1 Иоанн 5:3). Куке адями Иеговалы ярамон-тупамон улэ, котьмар ласянь солы тэрытскыса, солэн потэ аслэсьтыз улонзэ Инмарлы сӥземез но пылатӥськемезa (Колоссыослы 1:9, 10).

МУРГЕС ЭСКЕРЕ

4. Малы дышетэ милемыз Иисуслэн пылатӥськемез?

Лыдӟе Матфейлэсь 3:13—17 но тодэ, кызьы Иисус пылатӥськиз. Собере та юанъёслы валэктонъёс сётэ:

• Пылатӥськиз-а Иисус вож нуны дыръяз?

• Кызьы сое пылатӥзы? Сое вуэн пазязы-а яке мукет сямен пылатӥзы-а?

Пылатӥськемез бере Иисус нимысьтыз ужез быдэстыны кутскиз, кудзэ солы Иегова сётӥз. Лыдӟе Лукалэсь 3:21—23 но Иоаннлэсь 6:38 но та юанлы валэктон сётэ:

• Кыӵе уж Иисус понна валтӥсез луиз пылатӥськемез бере?

5. Пылатӥськон — быдэстымон ужпум

Нырысь тӥ кышканы быгатоды, Иеговалы сӥзиськыны но пылатӥськыны кулэ шуыса. Но, дыр ортчыса, тӥ быгатӥськоды кышкандэс вормыны но пылатӥськыны. Тодэ, кызьы куд-ог адямиос кышканзэс вормизы. Учке ВИДЕОРОЛИКЕЗ.

ВИДЕОРОЛИК: «Кызьы Иеговалэн эшез луоно» (1:11)

Лыдӟе Иоаннлэсь 17:3 но Иаковлэсь 1:5 но та юанлы валэктон сётэ:

• Мар юрттоз пылатӥськонлы дасяськыны?

1. А. Сӥзиськыкуз адями вера Иеговалы, солэн пырак дауръёс ӵоже солы ужамез-тыршемез потэ шуыса

2. Б. Пылатӥськыса адями возьматэ, аслэсьтыз улонзэ Инмарлы сӥзиз шуыса

6. Пылатӥськыса адями Иеговалэн семьяяз пыре

Пылатӥськеммы бере ми быдэс дунне вылысь одӥг бадӟым семьяе пыриськомы. Кытын гинэ ми медам улэ но кыӵе гинэ кылын ми медам вераське, милям одӥг кадь учконъёсмы но ми одӥг курон-косонъёсъя улӥськомы. Лыдӟе Иаковлэсь 2:23 но 1 Пётрлэсь 2:17 но та юанлы валэктон сётэ:

• Пылатӥськемез бере кыӵе кусыпъёсыз луо адямилэн Иеговаен но огъя оскисьёсыныз?

ТОДЭ ВАЁН

Иисус вераз, котькуд христиан мурт пылатӥськыны кулэ шуыса. Со понна Иеговалы осконмес юнматоно, солэн курон-косонъёсызъя улоно но солы улонмес сӥзёно.

Мае тон тодӥд?

• Мар со сыӵе пылатӥськон но малы пылатӥськыны кулэ?

• Мае возьматэ адямилэн пылатӥськемез?

• Мар кароно улонмес Иеговалы сӥзён но пылатӥськон азьын?

ТРОСГЕС ТОДЭ

Тодэ, мае пылатӥськонэн лыдъяны луэ, нош мае уг.

«Мар со сыӵе пылатӥськон?» (jw.org сайтысь статья)

Тодэ, кызьы пылатӥськонлы дасяськоно.

«Иеговаез яратон тӥлесьтыд мылкыддэс мед ӝутоз пылатӥськыны» («Возьмаськон башня», 2020-тӥ ар, южтолэзь)

Тодматске одӥг пиосмуртлэн учыреныз, кудӥз умой-умой малпаськемез бере гинэ пылатӥськиз.

«Соослэн потэ вал, мон ачим мед валалом шуыса, со зэмлык-а, ӧвӧл-а» («Возьмаськон башня», 2013-тӥ ар, 1-тӥ тулыспал)

Малы пылатӥськон — со кулэ луись вамыш но кызьы солы дасяськоно?

«Кулэ-а мыным пылатӥськыны?» («Тынад юанъёсыдлы валэктонъёс», 2-тӥ том, 37-тӥ люкет)