30-ТӤ УРОК

Кулэмъёс выльысь улозы!

Печатлам вариант

Кулон вае вӧсь луон но куректон. Соин ик Библия сое тушмонэн нима (1 Коринфъёслы 15:26). 27-тӥ урокысь тӥ тодӥды, Иегова та тушмонэз быдтоз шуыса. Нош мар луоз соосын, кинъёс кулӥзы ини? Та урокысь тӥ тододы Иеговалэн эшшо одӥг паймымон кылсётонэз сярысь. Со кылзэ сётэ, трос миллион кулэм адямиос выльысь улозы шуыса. Иегова улӟытоз кулэм адямиосты, соос пумтэм вапумъёс ӵоже шумпотыса улыны мед быгатозы шуыса. Зэмзэ ик-а со луоз? Кытын улозы улӟемъёс: инмын яке музъем вылын?

1. Мар каремез потэ Иеговалэн соослы, кинъёс кулӥзы?

Иеговалэн туж потэ улӟытэмез соосты, кинъёс кулӥзы. Инмарлы оскымон адями, Иов, тодэ вал, со кулӥз ке, Инмар сое уз вунэты шуыса. Со вераз Инмарлы: «Тон вазиськы вал но, мон Тыныд ответ сётысал». (Лыдӟе Иов книгаез 14:13—15.)

2. Кытысь ми тодӥськомы, кулэм адямиез улӟытыны луэ шуыса?

Куке Иисус музъем вылын вал, Инмар солы кужым сётӥз адямиосты улӟытъяны. Иисус улӟытӥз 12 аресъем нылашез но палкышнолэсь пизэ (Марк 5:41, 42; Лука 7:12—15). Берлогес Иисуслэн Лазарь нимо эшез кулӥз. Иисус сое но улӟытӥз, Лазарь кулэм дырысен но сое ватэм дырысен ньыль нунал ортчемын вал ини ке но. Улӟытон азяз Иисус Инмарлы вӧсяськиз но вераз: «Лазарь! Пот отысь». Соку «кулэм мурт потӥз» (Иоанн 11:43, 44). Лазарь улӟиз! Малпалэ гинэ, макем шумпотӥзы солэн ӵыжы-выжыосыз но эшъёсыз!

3. Кулэм адямиос выльысь улозы-а?

Библиын верамын, Инмар адямиосты «кулэмысь улӟытыса султытоз» шуыса (Апостолъёслэн ужъёссы 24:15). Иисусэн улӟытэм адямиос инме ӧз тубе (Иоанн 3:13). Соос шумпотӥзы, соосты музъем вылын улыны улӟытӥзы шуыса. Ӝоген Иисус трос миллион адямиосты улӟытоз, соос рай музъем вылын пумтэм вапумъёс ӵоже мед улозы шуыса. Со вераз, «ваньмыз шайгуосын кыллисьёс» — ваньмыз, кинэ Инмар тодаз возе — улӟытэмын луозы шуыса. Улӟытэмын луозы соос но, кинъёсты адямиос кемалась вунэтӥзы ини (Иоанн 5:28, 29).

МУРГЕС ЭСКЕРЕ

Тодэ Библиысь, малы ми оскыны быгатӥськомы, Иисус адямиосты улӟытыны быгатэ но со соосты улӟытоз шуыса. Озьы ик тодэ, кызьы улӟытон сярысь зэмлык буйгатыны но оскон сётыны быгатэ.

Адямиос паймыса учко Иисусэн улӟытэм Лазарь шоры.

4. Иисус возьматӥз, кулэмъёсты улӟытыны быгатэ шуыса

Тросгес тодэ, мар кариз Иисус Лазарь эшез понна. Лыдӟе Иоаннлэсь 11:14, 38—44 но та юанъёслы валэктонъёс сётэ:

Кытысь ми тодӥськомы, Лазарь зэмзэ ик кулэмын вал шуыса? (Учке 39-тӥ кылбурез.)
Кызьы тӥ малпаськоды, кулэм бераз Лазарь инме тубысал ке, Иисус сое отысь музъем вылын улыны васькытысал-а?

Учке ВИДЕОРОЛИКЕЗ.

ВИДЕОРОЛИК: «Иисус Лазарез улӟытэ» (1:16)

5. Трос миллион адямиос улӟозы!

Лыдӟе Псалтирез 36:29 но та юанлы валэктон сётэ:

Кытын улозы улӟытэм адямиос?

Иисус улӟытоз соосты но, кинъёс Иеговаез уг тодо но солы уг йыбыртъяло вал. Лыдӟе Апостолъёслэсь ужъёссэс 24:15 но та юанлы валэктон сётэ:

Кинэ тӥляд улӟемен адӟемды потэ?

Атай изись пизэ капчиен сайкатыны быгатэ. Озьы ик Иисуслы но адямиез улӟытыны секыт ӧвӧл

6. Улӟытон сярысь зэмлык буйгатэ но оскон сётэ

Библиын гожтэмын, кызьы Иаирлэн нылыз улӟытэмын вал. Со учыр трос кайгырись адямиосты буйгатӥз. Лыдӟе со сярысь Лукалэсь 8:40—42, 49—56.

Иаирлэсь нылзэ улӟытон азяз Иисус вераз Иаирлы: «Эн кышка, оскы гинэ». (Учке 50-тӥ кылбурез.) Кызьы улӟытонлы оскон юрттоз тӥледлы:

куке матысь адямиды кулӥз?
куке улондылы кышкытлык кылдӥз?

Учке ВИДЕОРОЛИКЕЗ но та юанлы валэктон сётэ:

ВИДЕОРОЛИК: «Улӟытонлы оскон тӥледлы кышкасьтэм луыны мед юрттоз!» (3:21)

«Улӟытонлы оскон тӥледлы кышкасьтэм луыны мед юрттоз!» видеороликысь кадръёс: 1. Фелисити кулэм бере нунал ортчыса, кенешлэн пумиськоназ сузэр Вероникаез буйгатэ. 2. Вероника нылыныз, Библиез уже кутыса, кышномуртэ буйгатэ.

Кызьы улӟытонлы оскон Фелиситилэсь анай-атайзэ буйгатэ но юнматэ?

КИН КЕ НО ЮАНЫ БЫГАТОЗ: «Кулэм адямиос выльысь улозы шат?»

Кызьы тӥ малпаськоды?
Библиысь кыӵе кылбурез тӥ лыдӟысалды, возьматон понна, улӟытон зэмзэ ик луоз шуыса?

ТОДЭ ВАЁН

Библия вера, трос миллион адямиос улӟытэмын луозы шуыса. Иеговалэн потэ, соос выльысь мед улозы шуыса. Соин ик со Иисуслы кужым сётӥз адямиосты улӟытыны.