Инмарлэн Эксэйлыкез кивалтэ ини!

Инмарлэн Эксэйлыкез инмын кивалтыны кутскиз 1914-тӥ арын. Со арысен кутскыса, адямиос берпум аръёссэ кивалто. Кытысь ми сое тодӥськомы? Учкомы Библиысь азьпалзэ ивортонъёсты но сое, кызьы воштӥськиз улон но адямиос, 1914-тӥ арысен кутскыса.

1. Мар сярысь верало Библиысь азьпалзэ ивортонъёс?

Библиысь Даниил книга вера, Инмарлэн Эксэйлыкез «сизьым дыр-вапумъёслэн» пумазы кивалтыны кутскоз шуыса (Даниил 4:13, 14). Трос дауръёс ортчыса, Иисус со вакытэз «язычникъёслэн дырзы» шуыса нимаз но вераз, со йылпумъяськемын ӧвӧл на шуыса (Лука 21:24). Кызьы ми адӟомы, сизьым дыр-вапумъёс йылпумъяськизы 1914-тӥ арын.

2. Кызьы воштӥськиз улон но адямиос, 1914-тӥ арысен кутскыса?

Иисуслэн дышетскисьёсыз юазы солэсь: «Ку та луоз? Тынад лыктонэдлэн но дунне быронлэн кыӵе тодметэз луоз?» (Матфей 24:3). Соослы ответ сётыса, Иисус пыр-поч вераз, мар луоз музъем вылын, куке со Инмарлэн Эксэйлыказ Эксэй луоз но инмын кивалтыны кутскоз. Кылсярысь, со вераз, луозы шуыса ожъёс, сютэм улон но музъемзурканъёс. Озьы ик Библиын верамын, «берпум аръёсы» адямиос асьсэды туж урод возёзы, соин «секыт дыръёс» вуозы шуыса (2 Тимофейлы 3:1—5). Музъем вылын кылдэм югдур но адямиослэн кусыпъёссы возьмато, 1914-тӥ арысен улон но адямиос туж воштӥськизы шуыса.

3. Малы Инмарлэн Эксэйлыкез кивалтыны кутскем дырысен улон секытгес луиз?

Инмарлэн Эксэйлыказ Эксэй луэмез бере ик Иисус инмын Шайтанэн но солэн периосыныз ожмаськыны кутскиз. Шайтан вормемын вал. Библиын верамын, Шайтанэз «музъем вылэ сэрпалтӥзы, солэсь кылчинъёссэ но асэныз огазе куштӥзы» шуыса (Усьтӥськон 12:9, 10, 12). Шайтан вожомемын, малы ке шуоно со тодэ, ӝоген со быдтэмын луоз шуыса. Со вань кужмысьтыз адямиослы изъян вайыны но соосты вӧсь карыны тырше. Соин ик паймоно ӧвӧл, музъем вылын улон сокем урод луиз шуыса. Но Инмарлэн Эксэйлыкез ваньзэ сое тупатоз.

МУРГЕС ЭСКЕРЕ

4. Библиысь азьпалзэ ивортонъёс верало 1914-тӥ ар сярысь

ВИДЕОРОЛИК: «Инмарлэн Эксэйлыкез кивалтыны кутскиз 1914-тӥ арын» (5:02)

Инмар Навуходоносорлы, вашкала Вавилонлэн эксэезлы, уйвӧт пыр возьматӥз, мар луоз азьланяз. Куке ми лыдӟиськомы, кыӵе уйвӧт адӟиз Навуходоносор но кызьы сое валэктӥз Даниил, ми валаськомы, со уйвӧт Навуходоносорлэн кивалтэменыз но, Инмарлэн Эксэйлыкезлэн кивалтэменыз но герӟаськемын шуысаa. (Лыдӟе Данииллэсь 4:14.)

Лыдӟе Данииллэсь 4:17—23 но, таблицаез учкыса, та юанъёслы валэктонъёс сётэ:

• А. Мае адӟиз уйвӧтаз Навуходоносор эксэй? (Учке 17-тӥ но 18-тӥ кылбуръёсты.)

• Б. Мар луыны кулэ вал писпуэн? (Учке 20-тӥ кылбурез.)

• В. Мар луыны кулэ вал «сизьым дыр-вапумъёслэн» пумазы? (Учке 23-тӥ кылбурез.)

Кызьы писпу сярысь уйвӧт Инмарлэн Эксэйлыкеныз герӟаськемын

АЗЬПАЛЗЭ ИВОРТОН (Даниил 4:17—33)

Кивалтэ

А. Ӝужыт писпу

Кивалтэмысь дугдэ

Б. «Коралэ та писпуэз» но, «сизьым дыр-вапумъёс» мед ортчозы

Выльысь кивалтэ

В. «Эксэйлыкед киулад ик кылёз»

Та азьпалзэ ивортон нырысетӥзэ быдэсмыку:

• Г. Кинэ возьматэ вал писпу? (Учке 19-тӥ кылбурез.)

• Д. Кызьы та эксэй кивалтэмысь дугдӥз? (Лыдӟе Данииллэсь 4:26—30.)

• Е. Мар луиз Навуходоносорен сизьым дыр-вапумъёслэн пумазы? (Лыдӟе Данииллэсь 4:31—33.)

НЫРЫСЕТӤЗЭ БЫДЭСМЕМЕЗ

Кивалтэ

Г. Навуходоносор, Вавилонлэн эксэез

Кивалтэмысь дугдэ

Д. Навуходоносор а. в. азьло 606-тӥ ар бере визьзэ ыштэ. Табере со сизьым ар ӵоже кивалтыны уг быгаты ни

Выльысь кивалтэ

Е. Навуходоносор доры визьмыз берытске но, со выльысь кивалтыны кутске

Та азьпалзэ ивортон кыкетӥзэ быдэсмыку:

• Ж. Кинэ возьматэ вал писпу? (Лыдӟе 1 Паралипоменонэз 29:23.)

• З. Кызьы та эксэйёс кивалтэмысь дугдӥзы? Кытысь ми тодӥськомы, Иисус музъем вылын улыку, соос выльысь кивалтыны ӧз кутске шуыса? (Лыдӟе Лукалэсь 21:24.)

• И. Ку но кытын та эксэйёслэн выжызы выльысь кивалтыны кутскиз?

КЫКЕТӤЗЭ БЫДЭСМЕМЕЗ

Кивалтэ

Ж. Израиль эксэйёс, кудъёсыз пыр Инмар кивалтӥз

Кивалтэмысь дугдэ

З. Иерусалим куашкатэмын. Израиль эксэйёс 2 520 ар ӵоже ӧз кивалтэ ни

Выльысь кивалтэ

И. Иисус Инмарлэн Эксэйлыказ Эксэй луэ но инмын кивалтыны кутске

5. 1914-тӥ арысен кутскыса, улон туж воштӥськиз

Учке ВИДЕОРОЛИКЕЗ.

ВИДЕОРОЛИК: «1914-тӥ арысен кутскыса, улон туж воштӥськиз» (1:10)

Иисус азьло ик вераз, кыӵе улон луоз музъем вылын, куке со кивалтыны кутскоз. Лыдӟе Лукалэсь 21:9—11 но та юанлы валэктон сётэ:

• Та пӧлысь мар сярысь тӥ кылӥды яке асьтэос адӟиды?

Апостол Павел вераз, кыӵе адямиос луозы берпум аръёсы. Лыдӟе 2 Тимофейлы 3:1—5 но та юанлы валэктон сётэ:

• Шӧдӥськоды-а тӥ, туннэ адямиос ӵапак сыӵеесь шуыса?

6. Инмарлэн Эксэйлыкез кивалтэ ини. Тэк пукыны дыр ӧвӧл!

Лыдӟе Матфейлэсь 24:3, 14 но та юанъёслы валэктонъёс сётэ:

• Кыӵе уж, кудӥз быдэс музъем вылын нуиське, возьматэ, Инмарлэн Эксэйлыкез кивалтэ ини шуыса?

• Кызьы тӥ со уже пыриськыны быгатӥськоды?

Инмарлэн Эксэйлыкез кивалтэ ини. Ӝоген со быдэс музъемен кивалтыны кутскоз. Лыдӟе Еврейёслы 10:24, 25 но та юанлы валэктон сётэ:

• Мар карыны кулэ котькудмылы, «Солэн нуналэзлэсь матэгес вуэмзэ» шӧдыса?

ТОДЭ ВАЁН

Библиысь азьпалзэ ивортонъёс но музъем вылын кылдэм югдур возьмато, Инмарлэн Эксэйлыкез кивалтэ ини шуыса. Со сярысь мукетъёсызлы вераса но кенешлэн пумиськонъёсаз ветлыса, ми возьматӥськомы, солы оскиськомы шуыса.

Мае тон тодӥд?

• Мар луиз, куке йылпумъяськизы сизьым дыр-вапумъёс, кудъёсыз сярысь верамын вал Даниил книгаын?

• Малы тӥ оскиськоды, Инмарлэн Эксэйлыкез 1914-тӥ арын кивалтыны кутскиз шуыса?

• Кызьы тӥ оскемдэс возьматыны быгатӥськоды, Инмарлэн Эксэйлыкез кивалтэ ини шуыса?

ТРОСГЕС ТОДЭ

Тодэ, мар верало историкъёс но мукет адямиос со сярысь, кызьы воштӥськиз улон 1914-тӥ арысен.

«Адямиослэн нравственность ласянь сӧриськемзы» («Сайкалэ!», 2007-тӥ ар, оштолэзь)

Кызьы одӥг пиосмуртлэн улонэз воштӥськиз, куке со Матфейлэсь 24:14 гожтэм азьпалзэ ивортон сярысь тодӥз?

«Бейсбол мон понна котьмалэсь дуно вал!» («Возьмаськон башня» № 3, 2017-тӥ ар)

Кытысь ми тодӥськомы, Даниил книгаын, 4-тӥ люкетын, гожтэм азьпалзэ ивортон Инмарлэн Эксэйлыкеныз герӟаськемын шуыса?

«Ку Инмарлэн Эксэйлыкез кивалтыны кутскиз? (1-тӥ люкет)» («Возьмаськон башня», 2014-тӥ ар, 1-тӥ коньывуон)

Малы вераны луоз, сизьым дыр-вапумъёс, кудъёсыз сярысь верамын Даниил книгаын, 4-тӥ люкетын, 1914-тӥ арын йылпумъяськизы шуыса?

«Ку Инмарлэн Эксэйлыкез кивалтыны кутскиз? (2-тӥ люкет)» («Возьмаськон башня», 2014-тӥ ар, 1-тӥ шуркынмон)