Ноку но эн пӧяське

Котькинлэн потэ пӧяськисьтэм адямиосын эшъяськемез. Иеговалэн но потэ, солэн эшъёсыз медаз пӧяське шуыса. Но секыт пӧяськытэк улыны, куке тон улӥськод пӧяськись адямиос пӧлын. Озьы ке но пӧяськытэк улон пайда вае. Нош кыӵе?

1. Малы пӧяськытэк улоно?

Пӧяськытэк улэммы возьматэ Иеговаез яратэммес но сое гажаммес. Иегова тодэ милесьтым малпанъёсмес но адӟе ужъёсмес (Еврейёслы 4:13). Соин ик, куке ми ум пӧяськиське, Иегова туж шумпотэ. Библиын верамын: «Ӧрекчаськыса вераськись мурт Кузё-Инмарлы юрӟым потэ, нош зэмлыкез верась муртъёс Инмарлы ярамонэсь» (Мадёнъёс 12:22).

2. Кызьы пӧяськытэк улоно?

Иегова таӵе косон сётэ: «Ог-огеныды ӧрекчаськытэк вераське» (Захария 8:16, 17). Ми та косонлэсь кылзӥськомы, ӧм ке пӧялэ кивалтӥсьёсты но ӧм ке пӧяське семьяямы, уж дорын но кенешын. Озьы ик ми та косонлэсь кылзӥськомы, ӧм ке лушкаське. (Лыдӟе Мадёнъёсты 24:28 но Ефесъёслы 4:28.) Со сяна, та косонлэсь кылзӥськеммес возьматомы, куке вань вытъёсты тыромы (Римъёслы 13:5—7). Ми «котьмар ласянь шонер улыны тыршиськомы» (Еврейёслы 13:18).

3. Кыӵе пайда вае пӧяськытэк улэммы?

Ми ум ке пӧяськиське, адямиос милемлы оско. Милям пӧяськытэк улэммы кенешын тупаса но огкылысь улыны юрттэ. Озьы ик, ми ум ке пӧяськиське, милемыз возьытлыкмы уг йырйы. Со сяна, пӧяськытэк улэммы «Инмарлэн, Утисьмылэн, дышетонэзлы» дан вае но юрттэ мукетъёсызлы Иегова доры лыктыны (Титлы 2:10).

МУРГЕС ЭСКЕРЕ

4. Пӧяськытэк улэммы Иеговаез шумпоттэ

Лыдӟе Псалтирез 43:22 но Малахиялэсь 3:16 но та юанъёслы валэктонъёс сётэ:

• Малы Инмарез пӧяны уг луы?

• Куддыръя шонерзэ вераны секыт. Но кызьы Иегова учкоз, сыӵе учырын но ми ӧм ке пӧялэ?

5. Ноку но эн пӧяське

ВИДЕОРОЛИК: «Мар зэмос шумпотон вае? Чылкыт возьытлык» (2:32)

Лыдӟе Еврейёслы 13:18 но вералэ, кызьы котьма ласянь шонер, яке пӧяськытэк, улоно:

• семьяын;

• уж дорын яке школаын;

• мукет учыръёсын.

6. Пӧяськытэк улонлэн пайдаез

Нырысь малпаны луэ, пӧяськытэк улон шуг-секытъёс гинэ вае шуыса. Но зэмзэ вераса, со котьку пайда вае. Лыдӟе Псалтирез 33:13—17 но та юанлы валэктон сётэ:

• Кыӵе пайда вае пӧяськытэк улон?

1. А. Пӧяськытэк улон семьяысь кусыпъёсты тупатэ

2. Б. Пӧяськисьтэм адямилы уж дораз оско

3. В. Пӧяськисьтэм адямиез кивалтӥсьёс гажало но дунъяло

ТОДЭ ВАЁН

Иеговалэн потэ, солэн эшъёсыз ноку но нокинэ медаз пӧялэ шуыса.

Мае тон тодӥд?

• Кытысь адӟиське пӧяськытэк улэммы?

• Малы Инмарез пӧяны уг луы?

• Малы тӥляд пӧясьтытэк улэмды потэ?

ТРОСГЕС ТОДЭ

Кызьы анай-атайёслы нылпиоссэс пӧяськытэк улыны дышетоно?

«Ноку но эн пӧяськы» 1:44

Малы сётэм кылдэ котьку но быдэстоно?

«Иегова сётэм кылзэс быдэсъясьёсты бакель каре» 9:09

Малы вытъёс тыроно, ми соглаш ӧвӧл ке но, кытчы соосты куто?

«Кулэ-а вытъёсты тырыны?» («Возьмаськон башня», 2011-тӥ ар, 1-тӥ куарусён)

Мар юрттӥз пӧяськись адямилы улонзэ воштыны?

«Мон тодӥ, Иегова гажась-жалясь но простить карыны дась шуыса» («Возьмаськон башня», 2015-тӥ ар, 1-тӥ куартолэзь)