54-ТӤ УРОК

Кин со «оскиськымон, визьмо ляльчи» но мар со каре?

Печатлам вариант

Иисус Христос — христиан кенешлэн йырыз (Ефесъёслы 5:23). Али со инмын. Нош музъем вылысь дышетскисьёсыныз со кивалтэ «оскиськымон, визьмо ляльчиез» пыр. (Лыдӟе Матфейлэсь 24:45.) Со ляльчиез Христос ачиз пуктӥз но солы право сётӥз ужпумъёс кутыны. «Оскиськымон, визьмо ляльчи» Христослэсь кылзӥське но Христослэн вынъёсызлы, зырӟем христианъёслы, юрттӥське. Кин со ляльчи но кызьы со ми сярысь сюлмаське?

1. Кин со сыӵе «оскиськымон, визьмо ляльчи»?

Вашкала дыръёсы Иегова аслаз калыкеныз кивалтӥз одӥг яке кӧня ке адямиос пыр (Малахия 2:7; Еврейёслы 1:1). Нош Иисус кулэм бере христиан кенешлэн уженыз кивалтӥзы Иерусалимысь апостолъёс но тӧроос (Апостолъёслэн ужъёссы 15:2). Туннэ но, вашкала дыръёсы сямен ик, христиан кенешлэн уженыз кивалтэ Иеговалэн Адӟись-Ивортӥсьёсызлэн Кивалтӥсь кенешсы. Отчы пыро тӧроос, кудъёсыз Инмарлэн калыкезлы духовной сиён сёто но тодытон ужен кивалто. Тӧроос, кудъёсыз Кивалтӥсь кенеше пыро, со ик вань «оскиськымон, визьмо ляльчи», кудзэ пуктӥз Иисус (Матфей 24:45). Кивалтӥсь кенеше пырись тӧроос ваньзы святой духен зырӟемын. Кулэмзы бере соос Христосэн ӵош солэн ин Эксэйлыказ кивалтозы.

2. Кыӵе сиён сётъя оскиськымон ляльчи?

Иисус вераз, оскиськымон ляльчи «ас дыраз сиён» сётъялоз шуыса (Матфей 24:45). Кызьы сиён, кудзэ ми сииськомы, милемлы кужым сётэ но юнматэ милемыз, озьы ик духовной сиён но — Библиысь тодон-валан — юрттэ милемлы Иеговалы оскымон кыльыны но Иисуслэсь сётэм ужзэ быдэстыны (1 Тимофейлы 4:6). Библиысь тодон-валан ми басьтӥськомы кенешлэн пумиськонъёсаз, конгрессъёсын, озьы ик Библия вылэ пыкиськем публикациос но видеороликъёс пыр. Басьтэм тодон-валан юрттэ милемлы Инмарлэсь эриксэ валаны но солэн эшъёсыз луыны.

МУРГЕС ЭСКЕРЕ

Ойдолэ тодомы, малы милемлы кулэ «оскиськымон, визьмо ляльчи» — Кивалтӥсь кенеш.

«Кивалтӥсь кенеш быдэс дунне вылысь Иеговалэн Адӟись-Ивортӥсьёсызлэн уженызы кивалтэ. Адӟись-Ивортӥсьёс солэсь кылзӥсько» суредъёс: 1) семья JW Broadcasting учке; 2) Адӟись-Ивортӥсьёс, юрттэт сётон понна, бадӟым машинае сиён-юон но мукет арбериос тыро; 3) кык Адӟись-Ивортӥсьёс Библия вылэ пыкиськем публикациосын стенд вӧзын сыло; 4) тӧро кенешлэн пумиськоназ гожтэт лыдӟе. — Кивалтӥсь кенеш быдэс дунне вылысь Иеговалэн Адӟись-Ивортӥсьёсызлэн уженызы кивалтэ, дышетэ соосты но юрттэт сётэ

3. Иеговалэн калыкезлэн ужез радъямын луыны кулэ

Иисус Кивалтӥсь кенешен кивалтэ, нош Кивалтӥсь кенеш Иеговалэн Адӟись-Ивортӥсьёсызлэсь ужзэс радъя. Со выллем ик радъямын вал нырысетӥ даурысь христианъёслэн но ужзы. Учке ВИДЕОРОЛИКЕЗ.

ВИДЕОРОЛИК: «Иеговалэн организациез вань» (6:18)

Лыдӟе 1 Коринфъёслы 14:33, 40 но та юанлы валэктон сётэ:

Кызьы та кылбуръёс возьмато, Иеговалэн потэ, калыкезлэн ужез радъямын мед луоз шуыса?

4. Оскиськымон ляльчи тодытон ужен кивалтэ

Нырысетӥ даурысь христианъёслэн улоназы тодытон уж валтӥсез вал. Лыдӟе Апостолъёслэсь ужъёссэс 8:14, 25 но та юанъёслы валэктонъёс сётэ:

Кин нырысетӥ даурын вера вал, кытын но кызьы тодытоно?
Кылзӥськизы-а Пётр но Иоанн мукет апостолъёслэн верамзылэсь?

Кивалтӥсь кенеш тодытон ужен кивалтэ. Со солэн валтӥсь ужез. Учке ВИДЕОРОЛИКЕЗ.

ВИДЕОРОЛИК: «Вань кужыммес сётӥськомы тодытон ужлы» (1:24)

Иисуслэн кылъёсысьтыз адӟиське, тодытон уж со самой кулэ луись уж шуыса. Лыдӟе Марклэсь 13:10 но та юанъёслы валэктонъёс сётэ:

Малы Кивалтӥсь кенеш тодытон ужез туж кулэен лыдъя?
Малы, собыдӟа ужез быдэстон понна, «оскиськымон, визьмо ляльчи» кулэ?

5. Кызьы кивалтэ оскиськымон ляльчи

Кивалтӥсь кенеш быдэс дунне вылысь христианъёслэн уженызы кивалтэ. Кызьы со агайёс ужпумъёс куто? Кызьы ужпумъёс кутӥз нырысетӥ даурысь кивалтӥсь кенеш? Лыдӟе Апостолъёслэсь ужъёссэс 15:1, 2 но та юанъёслы валэктонъёс сётэ:

Кыӵе юан пумысен ченгешон потӥз нырысетӥ даурысь христианъёс пӧлын?
Кинлы юрттэт курыса вазиськизы Павел, Варнава но мукет агайёс, та юанэз сэрттон-пертчон понна?

Лыдӟе Апостолъёслэсь ужъёссэс 15:12—18, 23—29 но та юанлы валэктон сётэ:

Мар кариз нырысетӥ даурысь кивалтӥсь кенеш, валан понна, мар малпа Инмар та юан пумысен? (Учке 12-тӥ, 15-тӥ но 28-тӥ кылбуръёсты.)

Лыдӟе Апостолъёслэсь ужъёссэс 15:30, 31 но 16:4, 5 но та юанъёслы валэктонъёс сётэ:

Кызьы учкизы нырысетӥ христианъёс кивалтӥсь кенешлэн кутэм ужпумез шоры?
Кызьы Иегова бакель кариз та христианъёсты кылзӥськемзы понна?

Лыдӟе 2 Тимофейлы 3:16 но Иаковлэсь 1:5 но та юанлы валэктон сётэ:

Кызьы туннэ Кивалтӥсь кенеш ужпумъёс кутэ?

КИН КЕ НО ВЕРАНЫ БЫГАТОЗ: «Тӥледын Кивалтӥсь кенеш кивалтэ бере, озьыен, тӥледын Инмар уг, нош адямиос кивалто».

Малы тӥ оскиськоды, Кивалтӥсь кенеш пыр Иисус кивалтэ шуыса?

ТОДЭ ВАЁН

Кивалтӥсь кенеш — со «оскиськымон, визьмо ляльчи», кудзэ Христос пуктӥз. Та ляльчи быдэс дунне вылысь христианъёслэн уженызы кивалтэ но соослы духовной сиён сётэ.