Гажан-жалян сямдэ возьматы

Мар кариз Иисус

ВИДЕОРОЛИК: «Иисус синтэм муртэ бурмытэ»

1. Учкы ВИДЕОРОЛИКЕЗ яке лыдӟы Иоаннлэсь 9:1—7. Собере малпаськы та юанъёс вылын:

1. а) Иисус синтэм муртэ нырысь бурмытӥз яке солы ӟеч иворез вераз? (Учкы Иоаннлэсь 9:35—38.)

2. б) Кызьы тон малпаськод, малы бурмемез бере со пиосмурт ӟеч иворез кылзыны дась луиз?

Малы ми дышетскиськомы Иисуслэсь?

2. Адями гажан-жалянмес шӧдӥз ке, солэн милемыз кылзэмез потоз, дыр.

Иисуслэсь адӟем кар

3. Тыршы валаны адямилэсь шӧдонъёссэ.

1. а) Малпаськы: «Мар сюлмаськытэ адямиез? Кыӵе малпан солы юрттыны быгатысал?» Соку тон адямиез зэмзэ ик гажаны-жаляны быгатод.

2. б) Сак кылзы. Адями шуг-секытэз сярысь вера ке, дась лу со сярысь вераськыны. Озьы тон возьматод, адями сярысь зэмзэ ик сюлмаськиськод шуыса.

4. Гажаса но лякытэн вераськы. Куараедъя адями валалоз, зэмзэ ик-а тынад солы юрттэмед потэ. Соин ик малпа, мар тон вералод но кыӵе куараен. Эн вера сое, мар адямиез вӧсь карыны быгатоз.

5. Дась лу юрттыны. Малпа, маин тон адямилы юрттыны быгатысалыд. Ӟеч уж адямилэсь сюлэмзэ небӟытыны быгатэ.