3-ТӤ ВАТСАМ ВАЛЭКТОН
Кызьы адямиен Библиез дышетоно «Пумтэм вапумъёс ӵоже шумпотыса улэ!» книгая
«Пумтэм вапумъёс ӵоже шумпотыса улэ!» книгаез поттон понна, трос дыр но кужым сётэмын вал. Агайёс вӧсяськизы но эскеронъёс ортчытъязы, валан понна, мае гожтоно книгае. Тани визь-кенешъёс, кызьы та книгая адямиен Библиез дышетоно. Соос юрттозы тыныд адямиосты эшшо но умойгес дышетыны.
Дышетэмлэсь азьло
1. Умой дасяськы. Малпаськы адями сярысь: кыӵе солэн шуг-секытъёсыз вань, малы со оске. Малпа, мае солы секыт луоз валаны яке улоназ пыртыны. Учкы «Тросгес тодэ» рамкаез но малпа, кыӵе статьяос но видеороликъёс адямилы юрттыны быгатозы. Дась лу дышетон дыръя соосты уже кутыны.
Дышетон дыръя
2. Дышетскись пумит ӧвӧл ке, вӧсяськы дышетон азьын но со бере.
3. Укыр трос эн вера. Эскеры сое гинэ, мар гожтэмын урокын. Дышетскисьлы тырмыт дыр сёт аслэсьтыз малпанзэ вераны.
4. Выль люкетэз дышетыны кутскыкуды, лыдӟы солэсь ужпумзэ но вера, кызьы нимасько та люкетысь куд-ог урокъёс.
5. Котькуд люкетэз ортчемды бере эскере тодэ ваён понна юанъёсты. Со юрттоз дышетскисьлы валтӥсь малпанъёсты тодаз возьыны.
6. Котькуд урокез ортчыкуды:
а) Лыдӟе уроклэн кутсконысьтыз абзацъёсты.
б) Лыдӟе вань кылбуръёсты, кудъёсыз «Лыдӟе» шуыса пусъемын.
в) Кулэ ке, абзацысь мукет кылбуръёсты но лыдӟе.
г) Луэ ке, «Мургес эскере» люкетысь вань видеороликъёсты учке.
д) Сёт дышетскисьлы урокысь вань юанъёсты.
е) «Мургес эскере» люкетысь суредъёсты учке но малпаське соос вылын.
ж) Эн вунэты «Уж» рамка сярысь. Та рамка юрттоз дышетскисьлы адӟыны, мар со кариз ини, Иеговалы матэгес кариськон понна. Кур дышетскисез быдэстыны рамкаын гожтэм ужез яке мукет ужъёсты.
з) Юа дышетскисьлэсь, «Тросгес тодэ» рамкаысь кыӵе статьяос но видеороликъёс солы тужгес но яразы, уроклы дасяськыкуз.
и) Пумиськемдылы быдэ быдэс урокез ортчыны тырше.
Дышетон ортчем бере
7. Дышетскись сярысь малпаськемысь эн дугды. Кур Иеговаез солы юрттыны. Озьы ик кур Иеговаез возьматыны тыныд, кызьы тон дышетскисьлы юрттыны быгатод.