Планъёсты уже кутыса, дышетӥськомы
1. Кыӵе пӧртэмлыксы планъёслэн?
1 Кызьы верамын вал ини пӧсьтолэзе потэм «Эксэйлыклы ужан-тыршонамы» (ӟуч кылын), милям дышетон понна кӧня ке тӥрлыкъёсмы вань. Соос пӧлысь одӥгез — со Библиез дышетон планъёс. Планъёсын кылбуръёслы ссылка гинэ сётӥське — соосты Библиысь лыдӟоно. Тросэз дышетон публикациос гожтэмын озьы, адями ас понназ зэмлыкез валаны мед быгатоз шуыса, нош планъёсъя Библиез дышетон понна, валэктӥсь кулэ. Соин ик, адямилы планъёс пӧлысь кудзэ ке ӵектӥськомы ке, возьматыны кулэ, кызьы дышетон ортче, со мед адӟоз, макем тунсыко Библиысь ӟеч иворез тодыны (Матф. 13:44).
2. Кызьы планъёсты уже кутыны луоз, нырысетӥзэ лыктыкумы?
2 Нырысетӥзэ лыктыку. Луоз вераны: «Адямиос ӵем малпаськыло, мар луоз та дуннеен. Кызьы тӥ малпаськоды, ми куке но умойгес уломы-а? [Кылзы верамзэ.] Библия вера милемлы шумпотон ивор, кудӥз милемлы оскиськон сётыны быгатэ». Собере усьты тупась планэз но возьматы, кызьы дышетон ортчытӥське. Мукетыз амал: ачид план бырйы но отысь адямилы тунсыко юан сёт, собере возьматы, кызьы со Библиысь валэктон шедьтыны быгатоз. Вераськон дыръя куд-ог тодытӥсьёс возьмато видеороликез, кудӥз планлы тупа.
3. Кызьы дышетонэз орчытоно, планъёсты уже кутыса?
3 Кызьы дышетонэз ортчытоно. 1) Юан сёт, тема тунсыко мед потоз шуыса. 2) Кылбуръёсты лыдӟыса но лякытэн юанъёс сётъяса, юртты адямилы валаны, кызьы кылбуръёс валтӥсь малпанэз усьто. 3) Дышетскисьлэсь валамзэ адӟон понна, сёт юандэ, кудзэ тон кутсконаз ик верад вал ини, яке юанэз, кудӥз улӥын зӧк шрифтэн гожтэмын. Эскериськись темалы тупась видеоролик вань ке, возьматы сое адямилы, тон сое ӧд возьматы на ке.
4. Кызьы дышетсконо та туж кулэ луись тӥрлыкез уже кутыны?
4 Тодматскы та туж кулэ луись тӥрлыкен. Котькуд тупась учыре сое уже кут. Дышетон азьын малпаськы адями сярысь но со сярысь, кызьы умойгес луоз соин ӵош малпаськыны планысь кылбуръёс вылын (Мад. 15:28; Ап. уж. 17:2, 3). Библиез дышетон планъёсты быгатыса уже кутыны дышетскид ке, соос адямиосты зэмлыклы дышетонын тынад яратоно тӥрлыкед луозы, вылды.