Ужан-тыршон быгатонлыкъёсмес умоятӥськомы. Кызьы дышетскисьёслы юрттоно Библиез дышетонын умой сямъёсты будэтыны
Малы со кулэ. Духовной ласянь быдэ вуон понна, Библиез дышетӥсьёслы Инмарлэн Кылысьтыз валтӥсь дышетонъёсын гинэ сюлэмзэс тырмытыны кулэ ӧвӧл (Евр. 5:12—6:1). Дышетонын трос тыршоно. Со понна али басьтэм тодон-валанэз герӟано соин, мае ми тодӥськомы ини, но адӟоно, кыӵе пайда вае со тодон-валан (Мад. 2:1—6). Дышетскисьёс эскерон ортчытъяны дышизы ке, соос Библиен герӟаськем юанъёслы христиан публикациосысь валэктонъёс шедьтыны быгатозы. Тодэмзэс уже кутыны тыршизы ке, соос шуг-секытъёсысь потыны быгатозы, кудъёсыз соослэн христиан сюрес вылазы пумиськылозы (Лука 6:47, 48).
Толэзьлы визь-кенеш:
Библиез дышетон планэз эскерем бере, дышетскисез вакчияк вераны кур, мае со туннэ тодӥз. Тон нокинэн но уд дышетӥськы ке, та визь-кенешез ачид уже кут, Библиысь люкетэз лыдӟем берад яке Библиез дышетыны юрттӥсь статьяысь абзацез эскерыкуд. Та визь-кенеш юрттоз тыныд лыдӟемдэ умойгес валаны.