Кызьы аудиогожтэмъёсты уже кутоно
1. Печатлам публикациосты сяна, мае ми уже кутыны быгатӥськомы на?
1 Тросэз адямиос милям сайтамы пырало но шумпотыса лыдӟо зэмлыклэсь чебер но шонер кылъёссэ (Екк. 12:10). Нош мар вераны луоз аудиогожтэмъёс сярысь? Уже кутӥськод-а тон соосты? Соослы луыса кылзыны быгатомы сое, мар милям сайтамы вань. Маин пайдаё луыны быгатозы аудиогожтэмъёс?
2. Кызьы ми аудиогожтэмъёсты уже кутыны быгатӥськомы, ас поннамы яке семьяен Библиез дышетыку?
2 Ас поннад но семьяен Библиез дышетонын. Сюрес вылын мыныку яке нуналысь нуналэ ужъёсты быдэстыку, дырез пайдаен ортчытон понна, ми Библилэсь, журналъёслэсь яке мукет публикациослэсь аудиогожтэмъёссэс кылзыны быгатӥськомы (Еф. 5:15, 16). Семьяен йыбырттонэз тунсыкогес карон понна, куддыръя публикацилэсь аудиогожтэмзэ кылзыны луоз, ас публикациедъя эскерыса. Ас поннад дышетон дыръя аудиогожтэмъёсты уже кутон тужгес но пайдаё луоз солы, кинлэн умойгес лыдӟиськемез потэ яке мукет кылэз дышетэ.
3. Ми палан кинлы юрттыны быгатозы аудиогожтэмъёс?
3 Ужан-тыршонын. Тодытонлы участокъёсамы куд-ог адямиос верало, лыдӟиськыны дырзы ӧвӧл шуыса, но соос мылкыд карозы, вылды, аудиогожтэмъёсты кылзыны. Куддыръя ми мукет кылын вераськись адямиосты пумитаськомы, кудъёсыз ӟеч иворез умойгес кылзозы, со вордскем кылынызы верамын луиз ке (Ап. уж. 2:6—8). Куд-ог калыкъёс пӧлын бадӟым инты басьтэ кылзыны быгатон. Кылсярысь, хмонг калыкысь адямиос вашкала улон сярысь выжыысь выжые вераны дышемын, но адямиос кылэмзэс уг вунэто. Африкаысь трос пӧртэм калыкъёсын нодъясь мадёнъёсты шумпотыса кылзо.
4. Кызьы аудиогожтэмъёсты ужан-тыршонын уже кутыны луоз?
4 Ужан-тыршонын адямиен вераськыку, тӥ палан умой луысал, дыр, солы ас кылыныз аудиогожтэмез лэзьыны. Оло, кин ке но аудиопубликациосты электронной почта пыр басьтыны соглаш кариськоз. Яке ми аудиопубликациосты дискъёсы гожтыны но тунсыкъяськись адямиослы сётыны быгатӥськомы, куд-ог дыръя печатлам публикациосын ӵош. Котькудзэ быдэскын сётэм электронной книгаосты, брошюраосты, журналъёсты но буклетъёсты отчётэ гожтыны луоз. Аудиогожтэмъёсты уже кутыны луоз ас поннад дышетон дыръя но, Эксэйлык сярысь зэмлыклэсь кидысъёссэ кизён дыръя но (1 Кор. 3:6).