Пророкъёслэсь адӟем каре. Аввакум
1. Малы ми валаськомы сое, мае шӧдӥз Аввакум?
1 Аввакум Иеговалэсь юаз: «Сьӧсь ужъёсты адӟыны, курадӟонъёс шоры учкыны малы мыным эрик сётӥськод?» Быдэс дунне вылын шонерлыктэм ужъёслэсь йылэмзэс адӟыса, милям но Аввакумлэн кадь ик шӧдонъёсмы кылдо (Авв. 1:3; 2 Тим. 3:1, 13). Аввакумлэн иворез но солэн оскымон луэмез вылын малпаськон, Иеговалэн судэзлэсь нуналзэ возьман дыръя, милемлы кужым сётэ (2 Пётр 3:7).
2. Кызьы ми возьматӥськомы, оскыса улӥськомы шуыса?
2 Оскыса улэ. Аввакум тэк, ассэ жаляса ӧз пукы, нош юн осконэн улӥз (Авв. 2:1). Иегова пророкез оскытӥз, Солэн кылыз нимысьтыз пуктэм дыре быдэсмоз но «шонер улӥсь осконэз пыр улэп улоз» шуыса (Авв. 2:2—4). Малы со дышетэ христианъёсты, кудъёсыз берпуметӥ нуналъёсы уло? Кулэ ӧвӧл малпаса улыны, ку вуоз пум, нош юн осконо, со одно ик вуоз шуыса. Оскон мылкыдмес ӝутэ сак улыны но Инмарлы ужан-тыршонэз улонамы нырысетӥ интые пуктыны (Евр. 10:38, 39).
3. Малы ми Иеговалы ужан-тыршонын шумпотонмес утьыны кулэ?
3 Иегова бордын шумпотэ. Куке Магог музъемысь Гог Иеговалэн калыкез вылэ урдскоз, милям осконмы эскеремын луоз (Иез. 38:2, 10—12). Котькыӵе нюръяськон шуг-секытъёс вае, соослы но, кинъёс вормо. Оло нош сютэм но улоно луоз, ваньбурмес но ыштыны быгатомы, улон югдуръёс но урод пала чутрак воштӥськыны быгатозы. Кызьы ми асьмеды возёмы сыӵе учыре? Аввакум тодэ вал, шуг-секытъёсын пумиськоз шуыса, соин ик со ужпум пуктӥз Иеговалы ужан-тыршонын шумпотонзэ утьыны (Авв. 3:16—19). «Кузё-Инмар азьын шумпотон» милемлы но юрттоз вуоно шуг-секытъёсыз чиданы (Неем. 8:10; Евр. 12:2, ВД).
4. Мар милемлы шумпотон ваёз али но, азьланяз но?
4 Соос, кинъёслы Иегова суд нуналаз улэп кыльыны юрттоз, азьланяз но Инмарлэн улонэ нуись сюрестӥз мыныны дышетскозы (Авв. 2:14). Со сяна, улӟыса султэмъёс но Иегова сярысь тодозы. Ойдолэ туннэ но, котькуд тупась учыре, Иегова но солэн паймымон ужъёсыз сярысь ивортомы! (Пс. 33:2; 70:17).