Елифаз:
Феманысь, вылды, кудӥз Эдом музъемын интыяськемын вал. Иеремиялэн книгаяз 49:7 Феман сярысь верамын, со сыӵе инты шуыса, кытын Эдом музъемын улӥсьёслэн визьлыксы люкаськемын вал
Елифаз нырысетӥез, кин вераны кутскиз, малы ке шуоно куинь «буйгатӥсьёс» пӧлысь со бадӟымезгес но даноезгес вал, вылды. Со куинь пол кутскыса вераз но кык эшъёсызлэсь кемагес
Шонертэм янгыше уськытонъёсыз:
Иовлэсь дун-чылкыт луэмзэ серекъяз но вераз, Инмар аслаз ужась-тыршисьёсызлы уг оскы шуыса (Иов 4, 5)
Иовез ас кужымезлы гинэ оскись но сьӧлыклэсь кышкасьтэм шуыса нимаз; озьы ик вераз, со Инмарлэсь уг кышка шуыса (Иов 15)
Иовез кӧттырмостэм но шонерлыктэм адями шуыса нимаз; озьы ик вераз, адями Инмарлы нокыӵе пайда уг вайы шуыса (Иов 22)
Вилдад:
Шуах выжыысь; Евфрат шур дорын улӥз, вылды
Верасьёс пӧлысь кыкетӥез вал. Солэн куинь веранъёсыз вакчиесьгес но лекесьгес вал, Елифазлэн веранъёсыз сярысь
Шонертэм янгыше уськытонъёсыз:
Со вераз, Иовлэн пиосыз сьӧлыказы но со понна кыл кутӥзы шуыса, озьы ик Иов ачиз но зэмос йыбырттонлэсь куштӥськиз шуыса (Иов 8)
Аслаз кылъёсыныз вераны тыршиз, Иов законлы пумит улэ шуыса (Иов 18)
Вераз, дун-чылкыт кылён нокыӵе пайда уз вайы шуыса (Иов 25)
Софар:
Наамитысь; Аравилэн уйпал но шунды пуксён вискысь люкетаз улӥз, вылды
Верасьёс пӧлысь куинетӥез вал но тужгес но лек кылъёсын янгыше уськытӥз. Кык пол гинэ вераз
Шонертэм янгыше уськытонъёсыз:
Иов токма супыльтэ шуыса вераз но урод ужъёслэсь куштӥськыны ӧтиз (Иов 11)
Со вераз, Иов сьӧлыклэсь уг кышка шуыса но сьӧлык солы шумпотон вае шуыса (Иов 20)