Конгрессэ ӧтён кампания

Котькуд аре ми чидатэк возьмаськомы Инмарен кусыпъёсмес юнматӥсь шулдыръяськонмес — улосысь конгрессэз. Мукетъёсызлэн но Иеговалэсь ӟечлыксэ ас вылазы шӧдэмзы потоз, вылды, соин ик ми тросгес адямиосты конгрессэ ӧтьыны тыршомы (Пс 33:9). Тӧроослэн кенешсы ужпум кутоз, кызьы умойгес луоз ӧтёнъёсты вӧлмытыны.

МАР СЯРЫСЬ ТОДАМЫ ВОЗЁНО

• Ку луоз конгресс?

• Ку ӧтён кампания кутскоз?

• Ку ортчозы тодытонлы сӥзем пумиськонъёс?

• Кыӵе ужпумъёсты мынам быдэстэме потэ кампания дыръя?

• Кинэ мынам ӧтеме потэ?

МАР ВЕРАНО?

Адямиен ӟечбуръяськем бере, вераны луоз:

«Али быдэс дунне вылын туж кулэ луись пумиськонэ ӧтёнъёс вӧлмытӥсько. Ӧтёнын гожтэмын, ку но кытын со ортчоз. Ми туж шумпотомы тӥледыз отысь адӟыны».

КЫЗЬЫ ТУНСЫКЪЯСЬКЕМЗЭС БУДЭТОНО?

Ми тросгес адямиосты конгрессэ ӧтьыны тыршиськомы ке но, дась луоно саклык висъяны соослы, кинъёс тунсыкъяськизы.

Шутэтскон нуналъёсы ӧтёнэз брошюраен ӵош ӵектыны луоз.