Ужан-тыршон быгатонлыкъёсмес умоятӥськомы. Дышетскисьёсты сӥзиськонлы но пылатӥськонлы дасяськомы

МАЛЫ СО КУЛЭ: Иеговалы ярамон луон понна, соослы, кинъёс Библиез дышето, улонзэс Иеговалы сӥзёно но пылатӥськоно (1Пт 3:21). Соос, кинъёс сӥзиськыкузы сётэм кылзэс быдэстыны тыршыса уло, духовной ласянь утемын луо (Пс 90:1, 2). Христиан мурт ассэ кыӵе ке адямилы, ужлы яке организацилы уг, нош Иеговалы сӥзе. Соин ик соослы, кинъёс Библиез дышето, Инмарлы яратонзэс но тау каронзэс будэтоно (Рм 14:7, 8).

КЫЗЬЫ СОЕ ЛЭСЬТОНО:

• Дышетон ортчытыкуды юалэ солэсь, кин Библиез дышетэ, мае выльзэ со Иегова сярысь тодӥз эскериськись материалысь. Выльысь но выльысь вералэ, макем кулэ котькуд нунал Библиез лыдӟыны но Иеговалы ялан вӧсяськыны (1Фс 5:17; Иак 4:8).

• Дышетскисьлэсь мылкыдзэ ӝутэ ужпум пуктыны сӥзиськыны но пылатӥськыны. Озьы ик юрттэ солы пичи ужпумъёсты быдэстыны, кылсярысь, кенешлэн пумиськонъёсаз пыриськыны но бускельёсызлы но ӵош ужасьёсызлы ӟеч иворез вераны. Эн вунэтэ, Иегова нокинэ но кужмысь уг косы солы ужаны-тыршыны. Котькуд адями ачиз ужпум кутэ — сӥзёно-а улонзэ Инмарлы, ӧвӧл-а (КЗк 30:19, 20).

• Дышетскисьлэсь мылкыдзэ ӝутэ кулэ луись воштӥськонъёс лэсьтыны, Инмарез шумпоттон но пылатӥськыны ярамон луон понна (Мд 27:11). Куд-ог сямъёсты вормыны капчи ик ӧвӧл бере, адямилы юрттэт кулэ луоз, вылды, «вужмем адями» луонлэсь куштӥськыны но «выль адями» луыны (Еф 4:22—24). Эскере соин «Библия меняет жизнь» сериысь статьяосыз.

• Вералэ солы, кыӵе шумпотон вае тӥледлы Иеговалы ужан-тыршон (Ис 48:17, 18).