Зэмлыклы дышетэ

Куарусён толэзьысен кутскыса, «Улон но ужан-тыршон» ужан тетрадьын вылез вераськонэз нуон амал потоз, кудӥз нимаськоз «Зэмлыклы дышетэ». Милям ужпуммы — адямилэсь саклыксэ висъяны Библиысь одӥгезлы валтӥсь зэмлыклы, солы юан сётыса но тупась кылбурез лыдӟыса.

Адями тунсыкъяськиз ке, ми солы кыӵе ке публикациез кельтыны яке видеороликез возьматыны быгатомы, мар юрттоз милемлы вераськыны со доры выльысь лыктыны. Вераськонэз азьланьтон понна, со доры выльысь лыктыны тыршомы кӧня ке нунал гинэ ортчыса ини. Выльёсыз вераськонэз нуон амалъёс но дышетскон ужъёс пыкиськемын луозы ватсам юанъёс но Библиысь кылбуръёс вылэ. Ваньмыз со юрттоз милемлы адямиосын выльысь вераськыны но Библиез дышетонъёс ортчытъяны, Библиез гинэ уже кутыса.

Одӥг сюрес гинэ улонэ нуэ (Мф 7:13, 14). Ми пӧртэм религиосысь но калыкъёсысь адямиосты пумитаськомы бере, милемлы кулэ вераськыны соосын Библиысь со зэмлыкъёс сярысь, кудъёсыз соослэн сюлмазы пырысалзы (1Тм 2:4). Дышетскыса, кызьы Библиысь темаосъя вераськоно но «зэмлыклэсь кылзэ» шонер дышетоно, ми тросгес шумпотон басьтомы но мукетъёссэ зэмлыклы умойгес дышетыны быгатомы (2Тм 2:15).