ХРИСТИАН УЛОН
Эн вунэты вӧсяськыны христианъёс сярысь, кудъёссэ уйыло-улляло
Библиын азьло ик верамын вал, тодытон ужмес дугдытон понна, Шайтан милемыз зӥбыны тыршоз шуыса (Ин 15:20; Усьт 12:17). Кызьы юрттоно агайёсмылы, кудъёсыз уйылон-уллянъёсын пумисько? Ми вӧсяськыны быгатӥськомы соос сярысь. Малы ке шуоно «шонер улӥсьлэн сюлмысь вӧсяськемез трос лэсьтыны быгатэ» (Иак 5:16).
Мар сярысь вӧсяськыны быгатомы? Ми курыны быгатомы Иеговалэсь, со вын-агайёсмылы но сузэр-апайёсмылы юн мылкыдо но кышкасьтэм луыны мед юрттоз шуыса (Ис 41:10—13). Озьы ик луоз вӧсяськыны, кивалтӥсьёс тодытон ужмылы пумит медаз луэ шуыса, ми азьланяз но «шыпыт, бугыръяськонъёстэк... улыны мед быгатомы шуыса» (1Тм 2:1, 2).
Павел но Пётр секыт югдуръёсын дыръя, христианъёс соос сярысь вӧсяськизы, соослэсь нимъёссэс вераса (Ап 12:5; Рм 15:30, 31). Ваньмызлэсь, кинэ туннэ уйыло-улляло, ми нимъёссэс ум тодӥське ке но, быгатысалмы-а ми, кенешсылэсь нимзэ яке шаерзэс вераса, соос сярысь вӧсяськыны?