Соосты шуныт пумиталэ

Кинэ пумитано? Вань адямиосты, кудъёсыз Эксэйлык юртэ лыкто: нырысетӥзэ лыктэмъёсты но, кемалась ветлӥсьёсты но (Ап 28:30б; Евр 13:2). Оло нош, агай яке сузэр мукет шаерысь лыктӥзы. Яке тодытон уже пыриськемысь дугдэм ивортӥсь, трос аръёс ортчыса, кенеше нырысетӥзэ лыктӥз. Пукты астэ со адямиос интые. Веранэз ӧвӧл, тон шумпотысалыд, тонэ шуныт пумитасалзы ке! (Мф 7:12). Быгатысалыд-а тон, Эксэйлык юртэ лыктэмъёсты пумитаса, соосын ӟечбуръяськыны но вераськыны? Озьы лэсьтӥмы ке, кенешамы яратон но шуныт мылкыд луоз, нош со Иеговаез данъялоз (Мф 5:16). Тон ваньмыныз вераськыны уд вуы, дыр. Нош ваньмы тыршимы ке, котькудӥз ассэ каньыл шӧдозa.

Милемлы куноосмес ӟеч мылкыдын пумитано котьку но, Ӝытанэ яке мукет нимысьтыз пумиськонъёсы гинэ ӧвӧл. Соку Эксэйлык юртэ нырысетӥзэ лыктэмъёслэн но, кенешысь яратонэз шӧдыса, Инмарез данъямзы но солэн калыкез пӧлы пыремзы потоз, вылды (Ин 13:35).