Юртты тодытон уже пыриськемысь дугдэм ивортӥсьёслы

Котькуд аре Ӝытанэ тодытон уже пыриськемысь дугдэм трос ивортӥсьёс лыкто. Куке но та вын-агайёс но сузэр-апайёс улон понна бызьыны кутскизы, но собере соослы азьло сямен бызьыны мар ке но люкетӥз (Евр 12:1). Со пӧртэм мугъёсын сэрен луыны быгатэ. Куд-ог мугъёс сярысь лыдӟыны луэ «Иегова доры берытскы» брошюраысь (ӟуч). Озьы ке но, Иегова та христианъёсты дуноен лыдъя, со соосты Пиезлэн дуно вирыныз басьтӥз ук (1Пт 1:18, 19). Кызьы ми соослы юрттыны быгатӥськомы кенеше берытскыны?

Кызьы пудо возьмась ышем ыжзэ утча, озьы ик тӧроос тодытон уже пыриськемысь дугдэм ивортӥсьёсты утчало но соослы юрттыны тыршо (Лк 15:4—7). Со возьматэ Иеговалэсь яратэмзэ но сюлмаськемзэ (Иер 23:3, 4). Нош тӧроос сяна, ваньмы асьмеос тодытон уже пыриськемысь дугдэм ивортӥсьёслы юрттыны быгататӥськомы. Милесьтым тыршеммес Иегова одно ик адӟоз но, тодытон уже пыриськемысь дугдэм ивортӥсьёслы ӟеч кареммы понна, милемыз бакель кароз (Мд 19:17; Ап 20:35). Соин ик малпа, кинлы тон юрттыны быгатысалыд, но ӝегатскытэк малпамедъя лэсьты!

«ВНИМАНИЕ К НЕАКТИВНЫМ» ВИДЕОРОЛИКЕЗ УЧКЫ НО УЛӤЫН ГОЖТЭМ ЮАНЪЁСЛЫ ВАЛЭКТОНЪЁС СЁТ:

• Мар кариз Эбби, куке ивортыкуз тодытон уже пыриськемысь дугдэм сузэрез пумитаз, кудӥныз со тодмо ӧй вал?

• Малы тодытон уже пыриськемысь дугдэмъёслы юрттэмлэсь азьло тӧроосын кенешоно?

• Кызьы Эбби дасяськиз, Лора доры кыкетӥзэ мынон понна?

• Кызьы Эбби, чидаса но яратыса, Лоралы выльысь но выльысь юрттыны тыршиз?

• Малы ми дышетскыны быгатӥськомы Иисуслэн мадёнысьтыз, кудӥз гожтэмын Лукалэн 15:8—10?

• Кыӵе емышъёс вайиз Эббилэн но тӧроослэн валче тыршемзы?