Ужан-тыршон быгатонлыкъёсмес умоятӥськомы. Дышетскиськомы адямиосын выльысь лыктыку вераськыны

МАЛЫ СО КУЛЭ. Тросэз адямиослэн, кудъёсыз Эксэйлык сярысь иворез кылзо, Инмар сярысь зэмлыкез тодэмзы потэ (Ис 55:6). Сыӵе адямиослы Инмарез умойгес тодыны юрттон понна, соос доры выльысь но выльысь лыктоно. Котькуд адямилэн аслаз югдуръёсыз, но милемлы сое лыдэ басьтоно. Озьы ке но, ужан-тыршонмы азинлыкогес луоз, ми котьку умой дасяськимы ке, малпаськимы ке, мар сярысь вераськомы, но Библиез дышетон кутскыны тыршимы ке.

КЫЗЬЫ СОЕ ЛЭСЬТОНО

• Тыршы адями доры ӝегатскытэк лыктыны, кылсярысь, кӧня ке нунал ортчыса (Мф 13:19)

• Лякыт сямо но капчи мылкыдо лу. Огшоры дыръя кадь вераськы

• Нырысь шуныт ӟечбуръяськы. Адямилы нимызъя вазиськы. Вера, малы тон лыктӥд. Оло нош, тон кыл сётӥд кыӵе ке юанлы валэктон возьматыны, статьяез пыртыны, ӵош видеороликез учкыны яке возьматыны, кызьы Библиез дышетон ортчытӥське. Адямилэн мукетыз сярысь вераськемез потӥз ке, дась лу со сярысь вераськыны (Фп 2:4)

• Адямилы Библиысь но статьяосысьтымы малпанъёсты вераса, тон быгатод сюлмаз кизем зэмлык кидысъёс вылэ ву киськаны (1Кр 3:6). Тыршы адямиез умойгес тодыны

• Юан кельты но вераськы выльысь пумиськыны