«Атайдэ но, анайдэ но сӥлы кар»

Музъем вылын улыкуз, Иисус вераз, «Атайдэ но, анайдэ но сӥлы кар» косонъя улыны кулэ шуыса (Пот 20:12; Мф 15:4). Иисус талы дышетыны быгатӥз, малы ке шуоно ачиз но пичи дыръяз анай-атаезлэсь кылзӥськыса улӥз (Лк 2:51). Нош кулон азяз со одӥг дышетскисьсэ Мария анаез сярысь сюлмаськыны косӥз (Ин 19:26, 27).

Туннэ егит христианъёс анай-атайёссэс сӥлы карыны быгато, куке соослэсь кылзӥсько но соосын гажаса верасько. Но анай-атаез сӥлы кароно шуыса курон-косонэз егитъёслы гинэ быдэсъяно ӧвӧл. Асьмелэн анай-атайёсмы арлыдоесь ке но ини, милемлы азьло сямен ик соосты гажано но визь-кенешъёссэс лыдэ басьтоно (Мд 23:22). Озьы ик, арлыдо анай-атайёслы кулэ дыръязы коньдонэн юрттоно но соосын дырез ортчытоно (1Тм 5:8). Ваньмылы, кӧня гинэ арес милемлы медам луы, анай-атайёсмес сӥлы кароно но дыр висъяно, соосын вераськон понна.

УЧКЫ «КАК ОБЩАТЬСЯ С РОДИТЕЛЯМИ?» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• Малы куддыръя анай-атаеныд вераськыны капчи ӧвӧл?

• Кызьы, анай-атаеныд вераськыкуд, гажамдэ возьматоно?

  

• Малы анай-атаеныд вераськыны тыршоно, со тыныд капчи ӧвӧл ке но? (Мд 15:22)