ХРИСТИАН УЛОН

Дышетскисьёсты дасян понна, тодытоно но дышетоно

Иисус солэн пытьытӥз мынӥсьёссэ косӥз мыныны но дышетскисьёсты дасяны (Мф 28:19, ВД). Та косонэ кык кулэ луись уж пыре: тодытон но дышетон. Дырын-дырын аслэсьтыд юано: «Мар мыным воштоно, эшшо но быгатыса тодытон но дышетон понна?»

ТОДЫТОН

Ми тэк ум пукиське но ум возьмаське, куке адямиос ми доры лыктозы. Ми асьмеос «ярамон муртъёсты» утчаськомы (Мф 10:11). Тыршиськомы-а ми тодытыку вань адямиосын вераськыны? (Ап 17:17). Лидия Христослэн дышетскисез луиз, апостол Павеллэн котькинлы ӟеч иворез вераны тыршемезлы луыса (Ап 16:13—15).

Самьюэл Эзикьеллы тодытэ; Соломон но Мэри Эзикьеллы но Абигейллы ӟеч ивор верало — «Ӵукна кидыстэ кизь, ӝыт но киыдлы тэк улыны маза эн сёты» (Ек 11:6)

«ПРОПОВЕДУЙТЕ „НЕ ПЕРЕСТАВАЯ“. СЛУЖИТЕ НЕФОРМАЛЬНО И ПО ДОМАМ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

Кытысь адӟиське, Самьюэл нуналысь нуналэ зэмлык кидысъёсты кизьыны тыршиз шуыса?
Малы, котькыӵе амалэн тодытыку, шуг-секытъёс кылдо ке но, сётсконо ӧвӧл?
Кинлы тон ӟеч иворез вераны быгатысалыд, нуналысь нуналэ ужъёстэ быдэстыкуд?

ДЫШЕТОН

Дышетскисез дасян понна, милемлы литературамес кельтоно гинэ ӧвӧл, нош адямиос доры выльысь но выльысь лыктоно но соосын Библиез дышетоно (1Кр 3:6—9). Нош мар кароно, милям тыршеммы ӧжыт гинэ емышъёс вае ке? (Мф 13:19—22). Соку милемлы тыршоно утчаны соосты, кинъёслэн сюлэмзы «ӟеч музъемлы» укша (Мф 13:23; Ап 13:48).

Соломон но Мэри Эзикьелэн но Абигейлэн Библиез дышето; Эзикьел но Абигейл адямиосын Библия сярысь верасько — «Мон мерттӥ, Аполлос ву киськаз, нош будэтӥз — Инмар» (1Кр 3:6)

«ПРОПОВЕДУЙТЕ „НЕ ПЕРЕСТАВАЯ“. ПОДГОТАВЛИВАЙТЕ УЧЕНИКОВ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

Малы «ву киськано» зэмлык кидысъёс вылэ, кудъёсыз адямиослэн сюлмазы киземын?
Кыӵе ужпумез тодамы возёно, котькыӵе амалэн тодытыку?
Мар ми эшшо карыны быгатысалмы на, адямиосты Библиысь зэмлыклы дышетон понна?