«Лотлэсь кышнозэ тодады вае»

Малы Лотлэн кышноез берланяз учкиз, картэныз но нылъёсыныз ӵош Содомысь бызьыса кошкыкуз? Библиын со сярысь номыр верамын ӧвӧл (Ул 19:17, 26). Иисуслэн кылъёсысьтыз адӟиське, со ваньбурзэ кельтыны жаляз, вылды, шуыса (Лк 17:31, 32). Кызьы милемлы та сьӧлтэтэ сюрытэк улоно но азьланяз но Инмарлы ярамон луоно? Эн лэзе ваньбурлы улонады валтӥсь инты басьтыны (Мф 6:33). Иисус вераз: «Уд быгатӥське Инмарлы но, маммоналы [узырлыклы-байлыклы] но огдыре служить карыны» (Мф 6:24). Нош мар, ми, ваньбур сярысь сюлмаськонэн сэрен, Инмарлы ужан-тыршонэн герӟаськем ужъёслы ӧжытгес дыр висъяны кутскимы ке? Иеговалэсь куроно возьматыны, кыӵе воштӥськонъёс милемлы лэсьтоно. Озьы ик кышкасьтэм сям куроно, со воштӥськонъёсты лэсьтон понна.

«ЛОТЛЭСЬ КЫШНОЗЭ ТОДАДЫ ВАЕ» (ӞУЧ) КУИНЬ ЛЮКЕТЭН ФИЛЬМ СЯРЫСЬ ЮАНЪЁСЛЫ ВАЛЭКТОНЪЁС СЁТ:

• 

  Кызьы трос коньдон поттон мылкыд Глориялэн малпанъёсыз, вераськонъёсыз но ужъёсыз вылын шӧдӥськиз?

• Кыӵе пайда ваёз Лотлэн кышноеныз луэм учыр сярысь малпаськон?

• Кызьы Библияя улон Джолы но солэн семьяезлы юрттӥз?

• Кызьы Анналэн ӵош ужасьёсыныз трос дырзэ ортчытъямез Инмарен кусыпъёсыз вылын шӧдӥськиз?

• Малы кышкасьтэм луоно, куке милемыз оскытыны тыршо, коньдон улонын валтӥсез луэ шуыса?

• Кызьы Брайан но Глория Инмарен кусыпъёссэс нош ик нырысетӥ интые пуктӥзы?

• Библиысь кыӵе возетъёсты тодад вайытӥз та фильм?