Ужан-тыршон быгатонлыкъёсмес умоятӥськомы. Кызьы кутсконо огшоры вераськонэз, кудӥз Библия сярысь вераськонэ выжыны быгатэ

Малы луыса Иисус Самария кышномуртлы ӟеч иворез вераны быгатӥз? Со огшоры ужъёс сярысь вераськыны кутскиз. Кызьы тодмотэм адямиосын огшоры вераськыны дышетсконо?

• Лякыт сямо лу но адямиосын вераськыны эн возьдаськы. Жадемез шоры учкытэк, Иисус вераськыны кутскиз, Самария кышномуртлэсь ву курыса. Нырысь тон быгатӥськод адямилы пальпотыны но собере куазь яке иворъёс сярысь вераськыны. Эн вунэты, нырысь тыныд вераськонэз кутскыны гинэ кулэ шуыса. Соин ик вераськыны луоз котьма сярысь, мар адямилы тунсыко луыны быгатоз. Адямилэн вераськемез уг поты ке, ӝоже эн усьы но мукет адямиен вераськыса утча. Иеговалы кышкасьтэм сям сярысь вӧсяськы (Не 2:4; Ап 4:29).

• Вераськыку ӟеч иворез вераны тыршы. Но дыртоно ӧвӧл, вераськон ас мынэмъяз мед мыноз. Шӧдтэк шорысь вераськонлэсь темазэ воштӥд ке, адями паймыны но вераськемысь дугдыны быгатоз. Ӟеч иворез вераса ӧд вуы ке, мылкыдыд медаз куашка. Тон ӟеч иворез вераны кышкаськод ке, нырысь тыршы адямиосын огшоры вераськыны, ӟеч иворез вератэк. [Возьматы но эскеры 1-тӥ видеороликез.]

• Ӟеч иворез веран понна, тон ачид адямилы Библиысь кыӵе ке малпанэз вераны быгатод, кудӥз тынэсьтыд сюлэмдэ вырӟытэ. Оло нош, адямилэн тросгес тодэмез потоз но, со ачиз юалляськыны кутскоз. Иисус Самария кышномуртлы тунсыко малпан вераз но, кышномурт ачиз юанъёс сётъяны кутскиз. Солэн юанъёсызлы валэктонъёс сётъяса, Иисус ӟеч иворез вераны быгатӥз. [Возьматы но эскеры 2-тӥ видеороликез, нош собере — 3-тӥ видеороликез.]