ИНМАРЛЭН КЫЛЫСЬТЫЗ УЗЫРЛЫК | 2 КОРИНФЪЁСЛЫ 1—3

Иегова — «котькыӵе буйгатсконлэн Инмарез»

1:3, 4

Иегова буйгатэ, кылсярысь, христиан кенеш пыр. Кызьы ми кенешамы буйгатыны быгатомы соосты, кинъёс кайгыро?

Сак кылзы но кыл куспаз эн пыры.
«Бӧрдӥсьёсын ӵош» бӧрд (Рм 12:15).
Юнматӥсь кылъёсын открытка кузьма, электрон гожтэт яке СМС ысты (w17.07 13 б., рамка).
Вӧсяськы соосын ӵош но соос понна.

Тросэзлы Библиысь та кылбуръёс буйгатскон шедьтыны юрттӥзы:

«Сюлмынызы чигиськыса улӥсьёслы Кузё-Инмар матын улэ, духенызы зӥбыт муртъёсты Со уте» (Пс 33:19, 20).
«Кӧтӝожъёс сюлэмам аляку, Тынад буйгатэмед лулме каньыл каре» (Пс 93:19).
«Ачиз Кузё-Инмармы Иисус Христос но асьмемыз яратӥсь Инмар Атаймы, Аслаз гажан-жалянэныз пумтэм вапумъёслы буйгатскон но оскиськон сётӥсь, сюлэмъёстэс мед каньылатоз, ӟеч кыл вераны, ӟеч уж лэсьтыны тӥледыз мед юнматоз» (2Фс 2:16, 17).