ХРИСТИАН УЛОН

Шутэтскон амалъёсты чакласа бырйы

Малы шутэтскон амалъёсты чакласа быръёно? Куке ми бырйиськомы, кыӵе фильм учкыны, кыӵе кырӟан кылзыны, кыӵе сайт интернетысь усьтыны, кыӵе книга лыдӟыны яке кызьы шудыны, ми бырйиськомы сое, мар йырамы кылёз. Со, кызьы ми шутэтскиськомы, шӧдӥське ужъёсмы вылын. Жаляса верано луэ, туннэ тросэз шутэтскон амалъёс герӟаськемын соин, мае Иегова адӟемпотостэм каре (Пс 10:5; Гл 5:19—21). Соин ик Библия ӧте милемыз ялан малпаськыны со сярысь, мар Иеговаез данъя (Фп 4:8).

«КАКОЕ РАЗВЛЕЧЕНИЕ ВЫБРАТЬ?» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

Маин куд-ог туала шутэтскон амалъёс тупало Вашкала Римысь гладиаторъёслэн жугиськонъёссылы?
Кызьы кенешысь вын-агайёс но сузэр-апайёс егитъёслы юрттыны быгато шутэтскон амалъёсты чакласа бырйыны?
Кызьы Римъёслы 12:9 возет юрттэ милемлы шутэтскон амалъёсты бырйыны?
Кызьы шутэтско тӥ палан вын-агайёс но сузэр-апайёс?

МУКЕТЪЁСЫЗ ШОРЫ ГИНЭ УЧКОД-А?

Тросэз вӧлмем шутэтскон амалъёс адямиез дышето учкыны, кызьы мукетъёсыз мар ке но каро, ачид карем интые. Фильмъёс, книгаос но телепередачаос дась малпанъёс ӵекто, ачид малпаськем интые. Куке мар ке но учкиськод яке лыдӟиськод шутэтскыны луэ ке но, тросэз адӟизы, куке ачид мар ке но кариськод, со тросгес шумпотон вае шуыса. Кылсярысь, кин ке но суреданы яратэ, нош кинлы ке но гитараен яке арганэн шудыны кельше. Мукетъёсыз ярато спортэн вырыны яке походъёсы ветлыны. Кыӵе гинэ шутэтскон амал ми медам быръе, ойдолэ «ваньзэ Инмарез вылӥ-дано карон понна» лэсьтомы (1Кр 10:31).