Со сярысь гинэ малпаське

Мар сярысь малпаськоно? Филиппыослы 4:8 визь-кенеш сётэмын зэмлыкоез, сӥё-даноез, шонерлыкоез, чылкытэз, гажамонэз, данъяны луымонэз, ӟечлыкоез, ушъяны ярамонэз сярысь гинэ малпаськыны. Со уг возьматы, христианъёслы Библиысь малпанъёс вылын гинэ малпаськоно шуыса. Но милям малпанъёсмы Иеговалы ярамон луыны кулэ. Соос медаз лябӟытэ Инмарлы оскымон луон мылкыдмес (Пс 18:15).

Кырсь малпанъёсын нюръяськыны капчи ӧвӧл. Асьмелэн тырбыдэстэм луонэнымы нюръяськем сяна, милемлы кулэ на пумит сылыны Шайтанлы, «та даурлэн „инмарезлы“» (2Кр 4:4). Та дунне Шайтанлэн киулаз возиське бере, солэн кырсь мылкыдыз шӧдӥське телевидениысь но радиоысь тросаз программаосын, интернетын, озьы ик печатлам публикациосын. Милемлы туж сак быръёно, мае лыдӟоно, мае учконо но мае кылзоно, малы ке шуоно со ваньмыз одно ик шӧдӥськоз милям малпанъёсмы но ужъёсмы вылын (Иак 1:14, 15).

УЧКЫ «ОСТЕРЕГАЙТЕСЬ ТОГО, ЧТО РАЗРУШАЕТ ПРЕДАННОСТЬ. НЕПОДОБАЮЩИЕ РАЗВЛЕЧЕНИЯ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Мар учкиз агай телефонысьтыз но кызьы учкемез со вылын шӧдӥськиз?

• 

  Кызьы солы юрттӥзы Галатъёслы 6:7, 8 но Псалтирьысь 118:37 кылбуръёс?