Иегова яратэ соосты, кинъёс чылкытэз ярато

«Кидэ миськы. Комнатадэ утялты. Выжез ӵуж. Жагез потты»,— озьы тросэз анай-атайёс нылпиоссэс чылкытлы дышето. Нош нырысетӥез, кин адямиосты чылкытлы дышетӥз,— со милям дун-чылкыт Инмармы (Пот 30:18—20; КЗк 23:14; 2Кр 7:1). Мугормес но котырмес чылкыт воземмы Иеговаез данъя (1Пт 1:14—16). Нош мар вераны луоз коркамы но азбармы сярысь? Мукет адямиосын ӵошатоно ке, христианъёс сюрес вылэ но паркъёсы жаг уг куяло, соос сюлмасько, Музъем чылкыт мед луоз шуыса (Пс 113:24; Усьт 11:18). Со гинэ но, кылсярысь, кытчы ми куяськомы конфет бумагаосты, бутылкаосты но жвачкаосты, возьматэ, кызьы ми чылкытлык шоры учкиськомы. Котькытын но котьку «ми Инмарлэн ужась-тыршисьёсыз луонмылэсь данзэ утьыны тыршиськомы» (2Кр 6:3, 4).

УЧКЫ «БОГ ЛЮБИТ ЧИСТЫЙ НАРОД» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• Мар верало куд-огъёсыз со сярысь, малы соос чылкытэз уг возё?

• Мае ми тодӥськомы Моисейлэн законысьтыз со сярысь, кызьы Иегова чылкытлык шоры учке?

• Кызьы ми Иеговаез, номыр вератэк, данъяны быгатӥськомы?