Ужан-тыршон Быгатонлыкъёсмес Умоятӥськомы. Лыдэ басьты адямиослэсь кулэяськонъёссэс

МАЛЫ СО КУЛЭ Зырӟем христианъёс но «мукет ыжъёс» адямиосты ӧтё: «„Улон вуэз“ дунтэк басьтэ!» (Усьт 22:17). «Улон ву» — со ваньмыз, мае лэсьтӥз Иегова, кылзӥськись адямиосты сьӧлыклэсь но кулонлэсь мозмытон понна. Милям юрттэммы потэ адямиослы, кудъёсызлэн пӧртэм сям-йылолъёссы но осконзы. Соин ик, соослы ӟеч иворез веракумы, милемлы соослэсь кулэяськонъёссэс лыдэ басьтоно но котькуд адями сярысь нимысьтыз малпаськоно (Усьт 14:6).

КЫЗЬЫ СОЕ ЛЭСЬТОНО

• Со, мар сярысь тон вераськиськод, но Библиысь кылбуръёс, кудъёссэ тон лыдӟиськод, тон палан улӥсь адямиослы тунсыко мед луозы. Уже кутыны луоз вераськон амалъёс пӧлысь одӥгзэ яке сое, мае тон ужан-тыршонын быгатыса кутӥськод ини. Мар сярысь вераськонъёс но кыӵе кылбуръёс адямиослы тунсыко пото? Кыӵе иворъёс сярысь адямиос верасько? Мар сярысь вераськыны луоз пиосмуртъёсын, нош мар сярысь кышномуртъёсын?

• Лыдэ басьты, кызьы ӟечбуръясько но верасько тон палан улӥсь адямиос (2Кр 6:3, 4).

• Тодматскы валтӥсь дышетон тӥрлыкъёс пӧлысь публикациосын но видеороликъёсын, тупась дыре соосты адямилы ӵектон понна.

• Скачать кар публикациосты но видеороликъёсты со кылъёсын, кудъёсыныз верасько тон палан улӥсь адямиос.

• Адямилэсь кулэяськонъёссэ лыдэ басьты но вераськондылэсь темазэ вошты (1Кр 9:19—23). Кылсярысь, мар тон вералод, тодӥд ке, адямилэн, кудӥныз тон вераськиськод, алигес матысь адямиез кулӥз шуыса?

ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Мар сярысь ивортӥсь пиосмуртэн вераськыны кутскиз?

• Маин пумиськоно луиз та адями?

• Библиысь кыӵе кылбур тужгес но тупа вал та учырын но малы?

• Кызьы тон вераськон амалдэ воштӥськод, адямилы со тунсыко мед потоз шуыса?