Оскымон лу та берпум нуналъёсы

МАЛЫ СО КУЛЭ Ӝоген паймымон югдуръёс кылдозы, соин ик милемлы эшшо но кышкасьтэм луоно но Иеговалы юн осконо. Бадӟым куректон кутскоз зэмос луисьтэм религиез быдтонысен (Мф 24:21; Усьт 17:16, 17). Со секыт вакытэ ми кышкатэк вераломы, вылды, Иеговалэн судэз сярысь кышкыт иворез (Усьт 16:21). Ми вылэ Магог музъемысь Гог урдскоз (Иез 38:10—12, 14—16). Соку Иегова аслэсьтыз калыксэ утёз но Армагеддон ожез кутскоз (Усьт 16:14, 16). Со югдуръёсын ми медам кышкалэ шуыса, милемлы али ик ини шуг-секытъёсын Иеговалы оскымон луоно.

КЫЗЬЫ СОЕ ЛЭСЬТОНО

• Иеговалэн вылӥ эсэпъёсызъя ул (Ис 5:20).

• Азьланяз но вын-агайёсын но сузэр-апайёсын ӵош Иеговалы йыбыртъя (Евр 10:24, 25).

• Иеговалэн организациезлэсь косонъёссэ ӝегатскытэк быдэсъя (Евр 13:17).

• Малпаськы со сярысь, кызьы Иегова азьвыл аслэсьтыз ужась-тыршисьёссэ утьылӥз (2Пт 2:9).

• Вӧсяськы Иеговалы но солы оскы (Пс 111:7, 8).

УЧКЫ «БУДУЩИЕ СОБЫТИЯ, В КОТОРЫХ НАМ ПОТРЕБУЕТСЯ МУЖЕСТВО» ВИДЕОРОЛИКЛЭСЬ ЛЮКЕТСЭ НО ТА ЮАНЪЁСЛЫ ВАЛЭКТОНЪЁС СЁТ:

• 

  Кызьы эскериськиз ивортӥсьёслэн кылзӥськись луэмзы, куке соослы веразы, мукет кенеше потоно шуыса?

• 

  Кызьы кышкасьтэм луон но кылзӥськись сям ог-огенызы герӟаськемын?

• 

  Малы Армагеддон дыръя милемлы кышкасьтэм сям кулэ луоз?

• 

  Библиысь кыӵе кылбуръёс оскыто милемыз, Иегова аслэсьтыз ужась-тыршисьёссэ утьыны быгатэ шуыса? (2Пр 20:1—24).