ХРИСТИАН УЛОН
Пионер луыса ужан-тыршон — Иеговаез данъяны луонлык
Израиль калыклэн трос мугъёсыз вал Иеговаез данъяны. Инмар соосты Египетысь поттӥз но фараонлэн ожгарчиосызлэсь утиз (Пот 14:31; 15:1, 2). Иегова азьвыл сямен ик аслаз ужась-тыршисьёсыз сярысь сюлмаське. Кызьы ми солы тау карыны быгатӥськомы? (Пс 115:3).
Одӥгез амал — юрттӥсь пионер яке пионер луыса ужаны-тыршыны. Тон вӧсяськыны быгатӥськод, тынад мылкыдыд но, кужымед но мед луоз шуыса пионер луыса ужаны-тыршыны (Фп 2:13). Тросэз нырысь юрттӥсь пионер луыса ужазы-тыршизы. Южтолэзе но оштолэзе, озьы ик со толэзьёсы, куке кенешады ёросэз чаклась лыктэ, тон ачид бырйыны быгатӥськод, кӧня тодытыны — 30 яке 50 час. Куке тон адӟод, юрттӥсь пионер луыса ужан-тыршон бадӟым шумпотон вае шуыса, тынад, оло нош, пионер луэмед потоз. Пионеръёс луыса ужало-тыршо соос но, кинъёс быдэс нунал ужало яке кинъёслэн тазалыксы урод (mwb16.07 8 б.). Иегова понна ми котьмармес сётыны дась! (1Пр 16:25).
«ТРИ СЕСТРЫ ИЗ МОНГОЛИИ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:
Кыӵе шуг-секытъёсты вормоно луиз куинь сузэръёслы, пионер луыса ужан-тыршон понна?
Кызьы Иегова соосты бакель кариз?
Ужан-тыршонын кыӵе выль луонлыкъёс усьтӥськизы сузэръёс азьын пионер луэмзы бере?
Кызьы та сузэръёслэн примерзы мукетъёсызлэсь мылкыдзэс ӝутӥз?