Быгатӥськод-а тон дырдэ но кужымдэ Иеговалы сётыны?

Кызьы Исаия азьпалзэ ивортыса вераз вал, туннэ Иеговалэн организациезлэн музъем вылысь люкетэз туж ӝог будэ (Ис 54:2). Соин ик тросгес кулэ луо Эксэйлык юртъёс, конгрессъёсты ортчытон юртъёс но филиаллэн юртъёсыз. Вань та юртъёсты пуктэм сяна, бератаз соосты чаклано но тупатъяно на. Соин ик кыӵе луонлыкъёс вань дырмес но кужыммес Иеговалы сётыны?

• Луоз Эксэйлык юртэз чылкытатон уже пыриськыны, куке тодытон ужез нуись группамылэн черодэз вуэ.

• Луоз нимысьтыз дышетскыны Эксэйлык юртэз эскерон-тупатъян понна.

• Луоз гожтыны «Заявление на служение добровольцем в программе местного проектно-строительного отдела» (DC-50), тынад дырын-дырын пыриськемед потэ ке Инмарлы ужан-тыршонэн герӟаськем юртъёсты пуктон но тупатъян уже, кудӥз тон палан ортчытӥське.

• Луоз гожтыны «Заявление на добровольное служение» (A-19), тынад арня ӵоже яке кемагес юрттэмед потэ ке интыысь филиалын яке филиаллэн одӥгаз юртаз.

УЧКЫ «НОВЫЙ СТРОИТЕЛЬНЫЙ ПРОЕКТ» ВИДЕОРОЛИКЛЭСЬ ЛЮКЕТСЭ НО ТА ЮАНЪЁСЛЫ ВАЛЭКТОНЪЁС СЁТ:

• Мар воштӥськиз 2014-тӥ арысен видеороликъёсты уже кутонын?

• Мар пуктыны малпамын вал соин сэрен но кӧня дыр кулэ луоз сое пуктон понна?

• Кызьы юрттыны быгато ас мылкыд каремзыя юрттӥсьёс?

• Милям потэ ке ми палан ортчись бадӟым пуктӥськон-лэсьтӥськон ужын юрттӥськеммы, малы милемлы заявление (DC-50) гожтыны но пуктӥськон-тупатъян интыысь ёзэтэн валче ужаны кулэ?

• Мар возьматэ, та пуктӥськон ужез Иегова бакель каре шуыса?

• Кызьы ми та пуктӥськон ужын юрттӥськыны быгатӥськомы, асьмелэн отчы мыныса юрттэммы уг луы ке но?