Малы дышетэ милемыз Чылкытатӥськон-сузяськон нунал?

16:12—15

Малы дышетэ милемыз со, кызьы Чылкытатӥськон-сузяськон нуналэ фимиамез уже кутӥзы?

• Иеговалэн оскымон ужась-тыршисьёсызлэн вӧсяськонъёссы Библиын фимиамен ӵошатӥсько (Пс 140:2). Быдӟым священник, Иеговаез мур гажаса, со азьын фимиамез ӵындытъяз. Озьы ик ми но Иеговалы вӧсяськиськомы, сое гажаса но сӥлы карыса.

• Быдӟым священник фимиамез ӵындытыны кулэ вал пудо-животъёсты курбонэ ваемезлэсь азьло. Озьы ик Иисуслы но дун-чылкыт но оскымон кыльыны кулэ вал аслэсьтыз улонзэ мозмытӥсь курбонлы сётон азяз, солэн курбонэз Иеговалы ярамон мед луоз шуыса.

Мар мыным кароно, курбонъёсы Иеговалы ярамон мед луозы шуыса?