Потэ-а тынад дышетскемед Эксэйлыкез тодытӥсьёслы школаын?

Тынад арлыдыд 23 аресысен 65 аресозь-а? Тон вань дырдэ сётыса ужаськод-тыршиськод-а? Тынад тазалыкед умой-а? Тон быгатысалыд-а ужаны-тыршыны отын, кытын ивортӥсьёс уг тырмо? Вань та юанъёсын тон соглаш кариськид ке, быгатысалыд-а тон малпаськыны Эксэйлыкез тодытӥсьёслы школаын дышетскон сярысь? Та школаын дышетскизы ини трос сюрс кузпалъёс, озьы ик кузпалъяськымтэ агайёс но сузэръёс. Озьы ке но туж кулэ на кышнояськымтэ агайёс. Кур Иеговаез тыныд юн мылкыд сётыны солэсь эриксэ быдэсъяны но солэн Пиезлэсь адӟем карыны (Пс 39:9; Мф 20:28; Евр 10:7). Озьы ик малпаськы: вань-а тынад одно ик быдэстоно ужъёсыд, кудъёсыз герӟаськемын семьяеныд, уженыд яке коньдон тыронэн? Вань ке, быгатысалыд-а тон кыӵе ке воштӥськонъёс лэсьтыны, Эксэйлыкез тодытӥсьёслы школаын дышетскон понна?

Ужан-тыршонын кыӵе луонлыкъёс усьтӥсько та школаез йылпумъясьёс азьын? Одӥгъёссэ ыстӥзы мукет кылын вераськисьёслы тодытыны. Мукетъёсыз бадӟым каръёсысь трос калыко интыосын нимысьтыз тодытон уже пыриськыны быгатӥзы. Нош куд-огъёссэ, дыр ортчыса, ёросэз чакласьлэн воштӥсез, ёросэз чаклась яке миссионер луыса ужаны-тыршыны куризы. Малпаськы Иеговалы ужаны-тыршыны луонлыкъёс сярысь но будэты сыӵе ик мылкыд, кыӵе вал Исаия пророклэн: «Тани мон, монэ ысты» (Ис 6:8).

УЧКЫ «МИССИОНЕРЫ РЕВНОСТНО УЧАСТВУЮТ В ЖАТВЕ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Кин миссионер луыса ужаны-тыршыны быгатэ?

• 

  Кыӵе ужез быдэсто миссионеръёс?

• 

  Кыӵе бакель каронъёс вае миссионер луыса ужан-тыршон?