Дась-а тон Ӝытанэз пусйыны?

Пасхаез берпуметӥзэ пусъён Иисус понна аспӧртэмлыко луыны кулэ вал. Со тодэ вал, ӝоген кулоз шуыса, но солэн потӥз Пасхалы дасям сиёнэз апостолъёсыныз сиемез. Нош собере со малпа вал дышетскисьёсызлы выль праздник сярысь вераны, тодэ ваён Ӝытан сярысь. Соин ик со Пётрез но Иоаннэз комнатаез дасяны косӥз (Лк 22:7—13; учкы вылбамысь суредэз). Милям но дась луэммы потэ тодэ ваён Ӝытанэз пусъёнлы, кудӥз ортчоз 27-тӥ южтолэзе. Тӧроос сюлмаськозы, дыр, со сярысь, кин речь вералоз, нянь но вина сярысь, нош озьы ик мукетыз сярысь. Нош кызьы котькудӥз ми пӧлысь Ӝытанлы дасяськыны быгатэ?

Сюлэмдэ дася. Лыдӟы Библиысь люкетъёсты, кудъёссэ Ӝытанэз пусъён вакытэ лыдӟоно, но малпаськы со люкетъёс вылын. Кыӵе люкетъёсты лыдӟыны кулэ, тодыны луоз «Котькуд нунал Библиез эскериськомы» брошюраысь. Нош тросгес со сярысь тодыны луоз «Иисуслэн музъем вылын улонэзлэн берпуметӥ арняез» буклетысь. (Озьы ик учкы 2020-тӥ арын оштолэзь понна поттэм «Улон но ужан-тыршон» ужан тетрадез.) Дун тыронлы тау каронэз будэтон понна, семьяен йыбырттонады «Возьмаськон Башнялэн публикациосызлэн индекссы» яке «Иеговалэн Адӟись-Ивортӥсьёсызлэн публикациоссыя эскерыны юрттэт» книгаосты (ӟуч) уже кут.

Мукетъёссэ ӧть. Мылысь-кыдысь Ӝытанэ ӧтёнъя кампание пыриськы. Малпаськы со сярысь, кинэ тон ӧтьыны быгатысалыд. Кылсярысь, соосты, кинэн тон куке но Библия сярысь вераськид яке дышетӥд, аслэсьтыд тодмоостэ но ӵыжы-выжыостэ. Тӧроослы тодытон уже пыриськемысь дугдэм вын-агайёсты но сузэр-апайёсты ӧтьыны кулэ. Кин ке но тон дорысь кыдёкын улэ ке, jw.org сайтэ пыр но тод, кытын но ку Ӝытан со палан ортчоз. Со понна бамлэн вылӥяз «МИ СЯРЫСЬ» вкладкаез зӥб но «Тодэ ваён ӝытан» люкетэз бырйы.

Кызьы эшшо тон дасяськыны быгатысалыд на?