Валась лу

Адямиез валан понна, милемлы тыршоно асьмемыз со адями интые пуктыны но валаны, мар солы кулэ, мар со шӧдэ но мар солы дуно потэ. Ми адямилы сюлмысь юрттыны тыршиськомы ке, со юрттоз милемлы сое валаны. Адямиос соку ик адӟо, соосты валаны тыршо ке. Куке ми валаны тыршиськомы соосты, кинлы ӟеч иворез вераськомы, соос адӟо, Иегова соосты яратэ но соос сярысь сюлмаське шуыса. Соин ик соос мылкыд каро Инмар сярысь тросгес тодыны (Фп 2:4).

Адямиез валаммы адӟиськоз ымныр тусысьтымы но отысь, кызьы ми кылзӥськомы но вераськомы. Ми мылысь-кыдысь валаны тыршиськомы, малы оске адями, мар солы тунсыко потэ но кыӵе солэн югдуръёсыз. Ми дась адямилы пайдаё визь-кенешъёс но юрттэт сётыны, но кужмысь ум косӥське сое улонзэ воштыны. Куке мукетъёсыз милесьтым юрттэтмес басьто, ми туж шумпотӥськомы.

«ДЫШЕТСКИСЬЁСТЫ ДАСЯН ШУМПОТОН ВАЕ. ДЫШЕТСКЕ УСТОГЕС ИВОРТЫНЫ. ЛЯКЫТЭСЬ НО ВАЛАСЕСЬ ЛУЭ» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• 

  Кызьы Нита валась луэмзэ возьматӥз, куке Джейд ӝегаз?

• 

  Кызьы Нита валась луэмзэ возьматӥз, куке Джейд вераз, жадемысьтыз дышетыны уг быгаты шуыса?

• 

  Кызьы Нита валась луэмзэ возьматӥз, куке Джейд вераз, ужъёссэ радъяны уг быгаты шуыса?