Юртты дышетскисьёсыдлы урод сямъёслэсь куштӥськыны

Иеговалэн вылӥ эсэпъёсызъя улӥсь адямиос гинэ солэн эшъёсыз луыны быгато (1Пт 1:14—16). Дышетскисед урод сямъёслэсь мозмытскиз ке, солэн семьяез юнмалоз, тазалыкез юнгес луоз, со сяна, коньдонэз но юнме уз быры.

Валэкты дышетскиседлы, кыӵе курон-косонъёсыз вань Инмарлэн, малы со соосты пуктӥз но кыӵе пайда соос ваё. Юртты дышетскиседлы малпанъёссэ воштыны но выль адями луыны, соку ужъёсыз но Инмарлы ярамонэсь луозы (Еф 4:22—24). Вера солы: Иеговалэн юрттэменыз со быгатоз вормыны мур пыӵам урод сямъёссэ (2Кр 4:7). Дышеты сое, умойтэм ужез лэсьтыны мылкыд кылдыку ик, Инмарлэсь юрттэт курыны. Юртты дышетскиседлы азьло ик адӟыны, кыӵе учыръёс сое урод сюрес вылэ кыскыны быгатозы, но дышеты соослэсь палэнскыны. Валэкты солы, кызьы урод сямъёсты ӟеч сямъёсын воштыны. Тон туж шумпотод, куке адӟод, Иеговалэн юрттэменыз дышетскисед урод сямъёсызлэсь мозмытске шуыса.

УЧКЫ «ЮРТТЭ ДЫШЕТСКИСЬЁСТЫЛЫ УРОД СЯМЪЁСЛЭСЬ КУШТӤСЬКЫНЫ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

• 

  Мар каризы тӧроос но Нита, куке тодӥзы Джейдлэн урод сямыз сярысь?

• 

  Кызьы Нита Джейдлы юрттӥз?

• 

  Кызьы Джейд Иеговалэсь юрттэт утчаз?