Кузпалдэ быдэс улонлы бырйиськод

Кузпалъёс Иеговаез данъялозы но шумпотон басьтозы, семьязы юн луиз ке (Мк 10:9). Юн но шудо семья кылдытон понна, кузпалдэ бырйыкуд, Библиысь возетъёсты лыдэ басьтоно.

Егит адямиослэн улоназы сыӵе вакыт вань, куке соос, йырзэс ыштытозь ик, синмасько. Со люкетэ соослы визьмо ужпумъёс кутыны. Соин ик эн дырты кинэн ке но пумиськылыны, возьма, куке ортчоз та вакыт (1Кр 7:36, ВД). Нош кузпалъяськымтэ дыръяд тыршы Иеговаен кусыпъёстэ юнматыны но христиан сямъёсты будэтыны. Соку, кузпалъяськид ке, тон умойгес карт яке кышно луод.

Кузпалдэ бырйыкуд, тыршы тодыны, мар «адямилэн сюлэм пушказ» (1Пт 3:4). Вуоно кузпалыдлэн кыӵе ке но сямыз тонэ сюлмаськытэ ке, вераськы соин со сярысь. Но тодад возь, кузпалъяськемды бере, ас сярысьтыд сюлмаськем интые, тыныд кузпалыд сярысь тросгес сюлмаськоно луоз шуыса (Фп 2:3, 4). Тон али ик ини Библиысь возетъёсъя улыны тыршиськод ке, кузпалъяськемед бере тыныд капчигес луоз соосъя улыны. Соку семьяед но шудогес луоз.

«ПОДГОТОВКА К БРАКУ. ЧАСТЬ 3: „ПОДСЧИТАЙ ЗАТРАТЫ“» ВИДЕОРОЛИКЕЗ УЧКЫ НО ТА ЮАНЪЁСЛЫ ВАЛЭКТОНЪЁС СЁТ:

• Кызьы та сузэр Шейн шоры учкиз, куке соос пумиськылыны кутскизы?

• Кыӵе сюлмаськонъёсыз кылдӥзы сузэрлэн, куке со сое умойгес тодӥз?

• Кызьы солы анай-атаез юрттӥзы но кыӵе ужпум со кутӥз?