Азьло ик дасяськы возьмамтэ шорысь кылдӥсь учыръёслы

Малы со кулэ? Милям улонамы шӧдтэк шорысь кылдыны быгатэ учыр, куке милемлы эмъясьёслэн юрттэтсы кулэ луоз. Соин али ик ини умой дасяськоно сыӵе учыръёслы. Соку кулэ дыръя тонэ умой эмъяны быгатозы. Озьы тон возьматод, улонэз но Иеговалэсь вир сярысь законзэ гажаськод шуыса (Ап 15:28, 29).

Кызьы дасяськоно?

• Вӧсяськы Иеговалы но, умой малпаськыса, гожты «Волеизъявление и доверенность относительно медицинского вмешательства» документэз (dpa)a. Пылатӥськем ивортӥсьёс та документэз литература понна кылкутӥсь агайлэсь басьтыны быгато. Асьсэлэн быдэ вуымтэ пиналъёссы понна соос «Удостоверение личности» (ic) курыны быгато.

• Секытэн сузэр-апайёслы тӧроослэсь «Информация для беременных» бланкез (S-401) куроно. Со юрттоз визьмо ужпумъёс кутыны, секытэн ветлыкузы но нуны вайыкузы.

• Тонэ больницае поно ке яке тыныд операция лэсьтоно ке, куке мугорад вир лэзьыны быгато, вера со сярысь тӧроослы.

Кызьы тӧроос юрттыны быгато? Тынад потэ ке, соос «Волеизъявление» гожтыны юрттозы. Нош тон интые соос ужпум уз кутэ но уз вералэ, мар малпало юанъёс пумысен, кудъёсаз котькудӥз ачиз ужпум кутыны кулэ (Рм 14:12; Гл 6:5). Тон тӧроослы верад ке, мугорад вирез лэзён сярысь юан кылдыны быгатэ шуыса, соос ӝегатскытэк со сярысь вералозы эмъюртъёсын герӟаськонъя комитетлы (ЭГК).

Кызьы ЭГК юрттыны быгатэ? ЭГК-ысь вын-агайёс тодо, кызьы эмъясьёслы но юристъёслы мугоре вирез лэзён шоры учкеммес валэктоно. Со вын-агайёс эмъяседлы возьматыны быгато, кыӵе эмъяськон амалъёс вань на, мугоре вирез лэзён сяна. Кулэ ке, соос юрттозы шедьтыны эмъясез, кудӥз виртэк эмъя.

УЧКЫ «КЫЗЬЫ УЖПУМ КУТОНО ВИРЕН ГЕРӞАСЬКЕМ МЕДИЦИНСКОЙ ПРОЦЕДУРАОС ПУМЫСЕН» ВИДЕОРОЛИКЕЗ НО ТА ЮАНЛЫ ВАЛЭКТОН СЁТ:

• Кызьы та видеоролик юрттоз тыныд возьмамтэ шорысь кылдӥсь учыръёслы дасяськыны?

  Валэктонэд