ХРИСТИАН УЛОН
Иегова шуг-секытъёсмы дыръя милемлы юрттэ
Та берпум аръёсы ваньмылэн милям трос шуг-секытъёсмы вань. Куддыръя соос вормыны луонтэм кадь пото. Нош ми Иеговаен кусыпъёсмес юнматӥськомы ке, со юрттоз милемлы котькыӵе шуг-секытъёсмес вормыны (Ис 43:2, 4). Кызьы Иеговаен кусыпъёсмес юнматоно шуг-секытъёс дыръя?
Вӧсяськон. Куке ми Иеговалы сюлэмшугъяськонъёсмы сярысь вераськомы, со милемыз буйгатэ но юнматэ (Фп 4:6, 7; 1Фс 5:17).
Пумиськонъёс. Али милемлы туж кулэ Библиысь тодон-валан басьтыны но вын-агайёсын но сузэр-апайёсын дырмес ортчытъяны. Ваньзэ тае ми христиан пумиськонъёсын шедьтӥськомы (Евр 10:24, 25). Нош куке ми пумиськонъёслы дасяськиськомы но эскеронэ пыриськиськомы, Иеговалэн святой духез милемлы эшшо но золгес юрттэ (Усьт 2:29).
Ужан-тыршон. Ми мылысь-кыдысь тодытон уже пыриськиськомы ке, милемлы капчигес умой мылкыдын улыны. Со сяна, ми Иеговаен но вын-агайёсын но сузэр-апайёсын кусыпъёсмес юнматӥськомы (1Кр 3:5—10).
УЧКЫ «ИЕГОВА ПРИМЕТ ТЕБЯ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:
Мар юрттӥз Малу сузэрлы шуг-секытъёсыз дыръя Иеговалэсь палэнскытэк улыны?
Кызьы Псалтирьысь 33:19 кылъёс Малу сузэрез юнматӥзы но кызьы соос милемыз юнматыны быгато?
Кызьы Малу сузэрлэн учырез возьматэ, Иегова милемлы «мертантэм бадӟым кужым» сётэ шуыса? (2Кр 4:7).