Кызьы юрттоно шимучыр дыръя

Туннэ шимучыръёс ӵемгес но ӵемгес луо. Сыӵе югдур кылдӥз ке, шимучыре сюремъёслы юрттэт радъямын луыны кулэ. Соин ик Кивалтӥсь кенеш сюлмаськиз, котькуд филиалын агайёс мед луозы шуыса, кудъёсыз та ужез радъялозы.

Куке со агайёс тодо, кыӵе ке интыын шимучыр кылдӥз шуыса, соос со интыысь тӧроослэсь юало, кыӵе юрттэт ивортӥсьёслы кулэ. Со интыысь вын-агайёс ас кужыменызы юрттыны уг быгато ке, филиал ыстэ агайёсты, кудъёсыз шимучыре сюремъёслы юрттэтэз радъяло. Со агайёс быгато филиалэз курыны ыстыны юрттӥсьёсты яке кулэ луись арбериос но сиён-юон. Озьы ик соос быгато басьтыны сое, мар кулэ, но сётыны кулэяськись вын-агайёслы но сузэр-апайёслы.

Куке ваньмыз умой радъямын, котькудӥз басьтоз сыӵе юрттэт, кудӥз солы кулэ, ми кык пол одӥг ужез ум лэсьтэ но коньдон юнме ум быдтэ. Соин ик милемлы ас поннамы юрттыны тыршоно ӧвӧл.

Филиалысь агайёс валало, кӧня юрттӥсьёс но кӧня коньдон кулэ, юрттэт сётон понна. Озьы ик соос быгато интыысь кивалтӥсьёсын вераськыны но тодыны, кызьы соос юрттыны быгато. Соин ик, тӥледыз ӧз ке куре, кулэ ӧвӧл коньдон бичаны, мае ке келяны яке юрттон понна отчы мыныны.

Озьы ке но, куке шимучыр кылдэ, милям вын-агайёсмылы но сузэр-апайёсмылы юрттэммы потэ, малы ке шуоно ми соосты туж яратӥськомы (Евр 13:16). Кызьы ми юрттыны быгатомы? Валтӥсез, ми быгатӥськомы вӧсяськыны шимучыре сюремъёс но соослы юрттӥсьёс понна. Озьы ик ми быгатӥськомы быдэс дунне вылын ортчытӥськись ужлы коньдон сётыны. Филиалъёсын Кивалтӥсь кенеш кивалтэ, соин ик соос тодо, кызьы та коньдонэз умойгес уже кутоно. Нош милям асьмелэн юрттон понна мынэммы потэ ке, луэ гожтыны «Заявление на служение добровольцем в программе местного проектно-строительного отдела» (DC-50).

УЧКЫ «РАЗРУШИТЕЛЬНЫЕ НАВОДНЕНИЯ В БРАЗИЛИИ» ВИДЕОРОЛИКЕЗ НО ТА ЮАНЪЁСЛЫ ВАЛЭКТОНЪЁС СЁТ:

Кызьы Бразилиысь Иеговалэн Адӟись-Ивортӥсьёсыз огъя оскисьёссылы юрттӥзы? Мар тынад сюлмад пыриз?