Кызьы уже кутоно Библиез дышетон сярысь видеороликъёсты

Библиез дышетон сярысь милям ньыль видеороликъёсмы вань, кудъёссэ ми ужан-тыршонын уже кутӥськомы. Малы поттэмын котькудӥз соос пӧлысь?

• 

  «Малы дышетоно Библиез?» (быдэсыз). Со поттэмын, адямилэн Библия сярысь тодэмез мед потоз шуыса, кыӵе гинэ осконэз медаз луы. Та видеоролик кулэ луись юанъёслы валэктонъёс Библиысь утчаны дэмла. Отын верамын, кыӵе валэктон сётэ Библия та юанъёс пӧлысь одӥгезлы. Видеоролик валэктэ, кызьы Библиез дышетон сярысь куроно.

• 

  «Малы дышетоно Библиез?» (вакчиятэмез). Та видеоролик быдэсыз выллем ик, но куинь поллы вакчигес. Сое уже кутыны луоз интыосын, кытын адямиослэн вераськыны трос дырзы ӧвӧл.

• 

  «Кызьы ортчытӥське Библиез дышетон?». Та видеоролик вера, Иеговалэн Адӟись-Ивортӥсьёсыз Библиез дунтэк дышетыны юртто шуыса. Со валэктонъёс сётэ Библиез дышетон сярысь ӵем сётъяськись юанъёслы но валэктэ, кызьы Библиез дышетон сярысь куроно.

• 

  «Ӧтиськомы тӥледыз Библиез дышетыны». Сое возьматыны луоз адямилы, кудӥз Библиез дышетэ ини. Та видеоролик сярысь «Пумтэм вапумъёс ӵоже шумпотыса улэ!» книгалэн 2-тӥ бамаз верамын ке но, сое учкыны луоз, «Пумтэм вапумъёс ӵоже шумпотыса улэ!» брошюрая дышетыку но. Видеороликын вераське, кызьы ортчытӥське Библиез дышетон но мае тодыны быгатэ адями.

Та видеороликъёс пӧлысь котькудӥзлэн аслаз ужпумез ке но, ми быгатӥськомы адямилы возьматыны яке ыстыны котькудзэ, малпаськомы ке, со солы пайда ваёз шуыса. Ваньмылы асьмелы та видеороликъёсын тодматскыны но соосты уже кутыны кулэ.