Улонысь учыр

Котькинэ гажаны-жаляны кулэ

Огпол Выль Зеландиысь сузэр учкиз jw.org сайтысь видео. Отын вераське, Иегова, адямиосты гажам-жалям сяна, соослы юрттэ но шуыса (Ис. 63:7—9). Та видеоез учкемез бере сузэрлэн кинлы ке юрттэмез потӥз. Со нуналэ ик, магазинэ мыныкуз, со пумитаз туж куанер кышномуртэз, кудӥзлэн улон интыез но ӧй вал. Сузэр солы сиён басьтӥз. Сиёнзэ сётыкуз, сузэр кышномуртлы вераз, ӝоген улон умойгес луоз шуыса. Озьы ик со солы «Бырозы-а куке но курадӟонъёс?» буклетэз возьматӥз.

Кышномурт бӧрдыны кутскиз. Со вераз, Адӟись-Ивортӥсьёслэн семьяязы будӥз, но трос аръёс талэсь азьло зэмлыкез кельтӥз шуыса. Алигес со Иеговалы вӧсяськиз но солэсь юрттэт куриз, со доры берытскемез мед луоз шуыса. Сузэр кышномуртлы Библиез сётӥз но вераськиз соин дышетыныa.

Иегова сямен, ми но быгатӥськомы мукетъёсызлы гажан-жалянмес возьматыны, кылсярысь, ӵыжы-выжыосмылы, озьы ик кенешысь вын-агайёслы но сузэр-апайёслы. Со сяна, гажан-жалянмы вань ке, ми адямиослы Библиысь ӟеч иворез вераломы.