Шедьтэ пайдаё малпанъёсты, кудъёссэ уже кутыны быгатоды

Библиез лыдӟыкумы но эскеронъёс ортчытъякумы, ми пайдаё малпанъёсты шедьтыны быгатӥськомы. Мар кароно, Библиез лыдӟон тросгес пайда мед ваёз шуыса?

Мургес эскере. Малпаське, кин, ку но кыӵе учыре гожтӥз та кылбуръёсты. Кинлы со гожтэмын вал? Мар вал гожтэм учырлэсь азьло но со бере?

Малпаське, малы со тӥледыз дышетэ. Юалэ асьтэлэсь: «Кыӵе шӧдонъёссы вал адямиослэн, кудъёсыз сярысь мон лыдӟисько? Кыӵе соослэн сямъёссы вал? Кыӵе сямъёс мынам будэтэме потэ, нош кыӵеоссэ — уг? Малы?»

Уже кутэ сое, мае тодӥды. Пайдаё малпанъёсты шедьтӥды ке, малпаське, кызьы тӥ соосты кутыны быгатоды улонады но тодытон ужын. Соку тӥ ас вылады шӧдоды Иисуслэсь кылъёссэ: «Сое быдэсъяськоды ке, тӥ шудоесь» (Иоанн 13:17).

• Чаклалэ. Арня куспын пумиськонлэн люкетэз, кудӥз нимаське «Инмарлэн Кылысьтыз узырлык», юрттэ милемлы валаны, кызьы ми тодэммес уже кутыны быгатомы. Отын пумисько малпаськытӥсь юанъёс, кудъёсыз астэ эскерыны юртто. Со сяна, пумисько на суредъёс, кудъёсыз вылын озьы ик малпаськыны луэ.