Синучконэз шонер уже кутэ

Иаков Библиез ӵошатӥз синучконэн, малы ке шуоно со адӟыны юрттэ, кыӵеесь ми зэмзэ ик (Иак. 1:22—25). Мар кароно, синучконэз шонер уже кутон понна?

Сак лыдӟе. Синучконэ ӝогак гинэ учкыса, ми ум адӟе, вылды, сое, мае тупатыны кулэ. Ӵапак озьы ик Библиен но: малпаськытэк лыдӟиськимы ке, ми ум адӟе, кыӵе воштӥськонъёс милемлы лэсьтыны кулэ. Сое адӟон понна, Инмарлэсь Кылзэ сак лыдӟоно.

Мукетъёсыз шоры учкем интые, асьтэос шоры учке. Синучконэ, палэнэгес кариськыса, учкид ке, астэ адӟем интые, тон отысь кинэ ке мукетсэ адӟод. Ӵапак озьы ик, Библиез лыдӟыку, ми быгатӥськомы мукетъёсызлэн тырмымтэоссы сярысь малпаськыны. Но со уз юртты милемлы асьмелэсь тырмымтэосмес тупатыны.

Асьтэлэсь укыр трос эн возьмалэ. Ми укыр трос саклыкмес висъямы ке тырмымтэосмылы, кудъёссэ синучконысь адӟимы, мылкыдмы куашканы быгатэ. Инмарлэсь Кылзэ лыдӟыкумы но, асьмелэсь укыр трос возьмано ӧвӧл, малы ке шуоно Иегова милесьтым луонтэмзэ уг возьма (Пс. 102:14).