Кин музъем вылэ тупаса улон ваёз?

Мар вера Библия

Музъем вылэ тупаса улон адямиос уз вае. Тупаса улон ваёз Инмарлэн Эксэйлыкез. Инмарлэн Эксэйлыкез — со инмысь кивалтэт. Отын кивалтэ Иисус Христос. Учке, мар верамын Библиын со вакыт сярысь, куке музъем вылын тупаса улон луоз.

1. Инмар «музъемлэн пумысеныз пумозяз» ожмаськонъёсты дугдытоз. Озьы со ваёз «тупаса улон музъем вылысь адямиослы, кудъёсызлы со ӟеч мылкыдзэ возьматэ» (Псалтирь 45:10; Лука 2:14, «Выль дунне» берыктэм).

2. Инмарлэн Эксэйлыкез инмысен быдэс дуннеен кивалтоз (Даниил 7:14). Соку пӧртэм калыкъёсысь адямиос тупаса улозы, ог-огзэс адӟонтэм уз каре ни.

3. Иисус, Инмарлэн Эксэйлыкысьтыз Эксэй, «Тупаса улонлэн Эксэез» шуыса нимамын. Солэн «тупаса улонэз [кудзэ со ваёз музъем вылэ] пумтэм вапумъёсы улоз» (Исаия 9:6, 7).

4. Адямиос, кудъёсыз ожмаськемысь уз дугдэ, музъем вылын уз улэ ни, куке Инмарлэн Эксэйлыкез музъемен кивалтоз. Малы ке шуоно «сьӧлыклэсь кышкасьтэмез, ултӥяны яратӥсез... [Инмарлэн] лулыз синазькыль каре» (Псалтирь 10:5; Мадёнъёс 2:22).

5. Инмар ас калыксэ тупаса улыны дышетоз. Библиын гожтэмын, мар карозы адямиос тупаса улыны дышетскемзы бере: «Мечъёссэс усы-геры лэсьтыны ӵыжатозы, шибодыоссылэсь сюрло лэсьтозы: калык калыклы пумит мечсэ уз ни ӝуты, азьланяз ожмаськыны уз ни дышетске» (Исаия 2:3, 4).

Быдэс дунне вылысь трос миллион Иеговалэн Адӟись-Ивортӥсьёсыз дышетско Инмарлэсь мукет адямиосын тупаса улыны (Матфей 5:9). Соос пӧртэм калыкъёсысь луо но 230-лэсь тросгес шаеръёсын но интыосын уло ке но, киязы ожтӥрлык уг куто но ожмаськыны пумит луо.