Быгатэ-а Библия юрттыны, ялан кыстӥськись висёнэн курадӟыку?

Библиысь валэктон

Быгатэ. Инмар сюлмаське аслаз ужась-тыршисьёсыз сярысь, куке соос висё. Котькудӥз сярысь, кин Инмарлы ужа-тырше, Библиын верамын: «Висьыса кыллён валесаз Кузё-Инмар сое юнматоз» (Псалтирь 40:4). Тӥ ялан кыстӥськись висёнэн курадӟиськоды ке, тӥледлы юрттозы куинь визь-кенешъёс:

1. Кужым курыса вӧсяське. Тӥ басьтоды «Инмарлэсь каньыллыксэ», кудӥз «котькыӵе визьлэсь но вылӥын». Со тӥледлы ӧжытгес сюлмаськыса улыны юрттоз но тӥледыз юнматоз (Филиппыослы 4:6, 7).

2. Ваньмыз шоры умоен учке. Библиын верамын: «Шулдыр сюлэм ӟеч эмъюм кадь, нош ӝожомыса улӥсь лул лыэз куасьтэ» (Мадёнъёс 17:22). Котькыӵе учырысь умойзэ адӟыны тырше. Со юрттоз мӧзмыт нуналъёсты умой мылкыдын ортчытыны, озьы ик тазалыктылы но пайда ваёз.

3. Вуоноезлы оскондэс юнматэ. Вуоноезлы оскон юрттоз шумпотыса улыны, ялан кыстӥськись висён шоры учкытэк (Римъёслы 12:12). Библия азьло ик вера со дыр сярысь, куке «улӥсьёс пӧлысь одӥгез но уз шуы: „Мон висисько“» (Исаия 33:24). Соку Инмар эмъялоз ялан кыстӥськись висёнъёсты, кудъёссэ туннэ эмъяны уг быгато. Кылсярысь, Библиын верамын, кызьы Инмар вань адямиосты егит кароз: «Соку солэн мугорыз, егит дырыз сярысь, чылкытгес луоз; егит дырысьтыз улон нуналъёсаз со берытскоз» (Иов 33:25).

Валэктон. Иеговалэн Адӟись-Ивортӥсьёсыз котьма ласянь Инмар вылэ оскисько ке но, соос озьы ик валало, ялан кыстӥськись висёнъёсты эмъяны кулэ шуыса. Соин ик соос эмъясьёслы вазисько (Марк 2:17). Но ми нокинэ кужмысь ум косӥське кыӵе ке нимысьтыз амалэн эмъяськыны. Ми малпаськомы, та юанъёсын котькудӥз ачиз ужпум кутыны кулэ шуыса.